Të dhëna Zhvilluesish

Keni një shtojcë të re të lezetshme dhe po shpresoni ta ekspozoni ca. Jeni në vendin e duhur. Thjesht kërkonani ta strehojmë për ju. Do të jeni në gjendje të:

  • Ndiqni se sa vetë e kanë shkarkuar.
  • Lërini njerëzit të japin komente mbi shtojcën tuaj.
  • Bëni që shtojca juaj të vlerësohet kundrejt krejt shtojcave të tjera të hijshme të WordPress-it.
  • Nxirreni në pah fuqishëm shtojcën tuaj, në këtë depo të përqendruar.

Ka disa kufizime

  • Shtojca juaj duhet të jetë e përputhshme me licencën GNU General Public License v2, ose çfarëdo versioni të mëvonshëm. Këshillojmë me forcë të përdoret e njëjta licencë me WordPress-in — “GPLv2 ose e mëvonshme.”
  • Shtojca nuk duhet të kryejë asgjë të paligjshme, apo fyese moralisht (kjo është subjektive, e dimë).
  • Që shtojca juaj të shfaqet te ky sajt, duhet të përdorni depon Subversion që ju japim. WordPress Plugins Directory është një sajt strehë, jo një për paraqitje.
  • Pa kërkuar shprehimisht lejen e përdoruesit, shtojca nuk duhet të ketë të trupëzuara lidhje të jashtme për në sajte publikë (fjala vjen, një lidhje “powered by”).
  • Shtojca juaj nuk duhet të bjerë ndesh me listën tonë të udhëzimeve të hollësishme, te të cilat përfshihet mos-dërgimi i mesazheve të padëshiruara dhe mos-abuzimi me sistemet.

Parashtrimi është i Thjeshtë

  1. Regjistroni një llogari te WordPress.org.
  2. Parashtrojeni shtojcën tuaj për shqyrtim.
  3. Pasi shtojca juaj të jetë shqyrtuar dorazi, ose do të miratohet, ose do të merrni një email ku ju kërkohet të furnizoni më tepër të dhëna dhe/ose të bëni ndreqje.
  4. Pasi të miratohet, do t’ju lejohet hyrje te një depo Subversion, ku do të mund të strehoni shtojcën tuaj.
  5. Pak kohë më pas se të keni ngarkuar shtojcën tuaj (dhe një kartelë readme!) në atë depo, do të shfaqet vetvetiu te shfletuesi i shtojcave.
  6. Për më tepër hollësi, hidhini një sy ndarjes PBR.

Kartela <i>readme</i>

Për ta bërë sa më të dobishme futjen e shtojcës tuaj te shfletuesi i shtojcave, çdo shtojcë duhet të ketë një kartelë readme të quajtur readme.txt të krijuar në përputhje me standardin WordPress për kartela readme shtojcash. Kartelën tuaj readme mund t’ia kaloni për kontroll vleftësuesit të readme-ve.