WordPress.org

Rreth

misioni ynë:

të demokratizojmë botimin

liria për të krijuar. liria për ta ndryshuar. lirira për ta ndarë me të tjerë.

historia jonë

WordPress-i zuri fill kur Mike Little dhe Matt Mullenweg krijuan një degëzim të b2/cafelog. Nevoja për një sistem personal publikimi elegant, të hartuar mirë qe e dukshme që atëherë. Sot, WordPress-i ngrihet mbi PHP-në dhe MySQL-në dhe licencohet sipas GPLv2. Është gjithashtu platforma e zemrës për mbi 43% të krejt sajteve nëpër web.

Projekti WordPress me burim të hapët ka evoluar në rrugë progresive përgjatë kohës—me mbështetjen nga programues, grafistë, shkencëtarë, blogues dhe të tjerë persona të aftë dhe entuziastë. WordPress-i i jep gjithkujt mundësinë të krijojë dhe ndajë me të tjerët, nga anekdota personale të sajuara me merak e deri te lëvizje që ndryshojnë botën.

Personat me përvojë të kufizuar teknike mund ta përdorin “fill pas instalimit”, ndërsa ata më të sprovuar mund ta përshtatin në mënyra mbresëlënëse.

misioni ynë

WordPress-i është hartuar për këdo.

Besojmë se software-i i shkëlqyer duhet të funksionojë pas një udjisjeje minimum, duke vënë theksin te përdorimi nga persona me aftësi të kufizuara, funksionimi, siguria dhe lehtësia e përdorimit. Software-i elementar WordPress është i thjeshtë dhe mënyra se si funksionon e parashikueshme, duke ofruar veçori të fuqishme për rritje dhe sukses.

WordPress-i është software me burim të hapët.

Përkrahja e idesë së demokratizimit të publikimit dhe e lirive që vijnë me burimin e hapët përkthehet në një bashkësi të madhe njerëzish që bashkëpunojnë dhe kontribuojnë në këtë projekt.

WordPress-i është mikpritës dhe përfshirës.

Suksesin e WordPress-it e sjell pasioni i kontribuesve tanë, çka, nga ana e tij, ju ndihmon të arrini synimet tuaja. Kontribuesit e WordPress-it punojnë kudo në rruzull dhe kanë kontribuar orë të panumërueshme për të krijuar një mjet që i ofron kujtdo një zë.

katër liritë

WordPress-i licencohet sipas General Public License (GPLv2 ose të mëvonshme) e cila jep katër liri bazë:

0

Liria për ta xhiruar programin, për çfarëdo qëllimi.

1

Liria për të studiuar se si funksionon programi dhe për ta ndryshuar që ta bëni të kryejë ç’të doni.

2

Liria për të rishpërndarë kopje.

3

Liria për t’u shpërndarë të tjerëve kopje të versioneve tuaja të modifikuara.

hollësitë

Zhytuni në hollësi prapaskenë, b.f., GPL dhe rregulla të tjera.

njerëzit

Mësoni rreth bashkësisë, si ecim dhe si e shpalosim krenarinë.