SimpleForm – Mënyra më e thjeshtë për të shtuar një formular kontakti

Përshkrim

SimpleForm është një shtojcë shumë e thjeshtë për t’u përdorur, për krijimin e një formulari elementar kontaktesh për sajtin tuaj. Ja disa arsye pse të përdoret:

E lehtë për t’u përdorur

Kjo shtojcë është shumë e lehtë për t’u formësuar, falë një ndërfaqeje përgjegjësi të hijshme dhe intuitive. Mund të krijoni shpejt e shpejt një formular kontaktesh duke përdorur faqen tonë të formularëve të krijuar paraprakisht, ose duke kopjuar një kod të shkurtër aty ku dëshironi të shfaqet.

Plotësisht e ndryshueshme

Ju lejon të përshtatni gjithçka që doni. Mund të vendosni cilat fusha të shfaqen dhe ç’lloj përdoruesi mund t’i shohë ato. Mund të vendosni se cilat fusha janë të domosdoshme dhe cilat jo. Mund të ndryshoni ose fshihni etiketa fushash, të zgjidhni ku të vendosen etiketat dhe se si tregohet që një fushë është e domosdoshme, të caktoni gjatësi minimum ose maksimum për fusha teksti, të përdorni vendmbajtëse, të vendosni se çfarë mesazhi të shfaqet kur ndodh një gabim dhe se ku të kalohet fokusi në rast gabimesh. Mund të shtoni tekst të përshtatur mbi ose nën formularin, mund të zgjidhni një gjedhe bazuar në shijet tuaja ose jeni të lirë të krijoni dhe përdorni një gjedhe personale për formularin tuaj të kontakteve, mund të shtoni kodin tuaj JavaScript të përshtatur ose fletëstil CSS të përshtatur.

Gati për përdorim

Ajo vjen me mundësinë SMTP për dërgim email-esh, për të qenë gati për përdorim menjëherë. Kjo veçori e bën më pak të mundshme që email-it të dërguar nga sajti të juaj t’i vihet shenjë si mesazh i padëshiruar dhe ul rrezikun që email-i të humbë rrugës.

Dizajn i pastër

E duam dizajnin e pastër dhe minimalist, dhe për këtë arsye ofrojmë një formular kontaktesh që është si i thjeshtë, ashtu edhe tërheqës.

Konceptuar me punën e përdoruesit në mendje

Është një shtojcë e peshës së lehtë dhe reaguese. SimpleForm-i nuk ndërhyn në funksionimin e sajtit tuaj. Parashtrimi përmes AJAX-it, edhe në pjesën e pasme të sajtit, u lejon përdoruesve një punim të rrjedhshëm, pa rifreskime të faqes. Mund t’u tregoni përdoruesve një mesazh suksesi ose t’i ridrejtoni ata gjetkë, pasi të plotësojnë formularin. Mundeni edhe të dërgoni një email ripohimi, për të falënderuar këdo që lidhet me ju.

Çfarë s’është SimpleForm-i, hëpërhë:

Ka ende shumë për të bërë! Tani për tani, s’mund të shtoni fusha të reja ose të krijoni formularë të shumëfishtë. Mundësitë anti-spam kufizohen te fusha pyetje/përgjigje dhe ato honeypot.

Për informacion të plotë, ju lutemi, vizitoni sajtin e SimpleForm-it.

Demonstrim i SimpleForm-it

Mësoni se si funksionon SimpleForm-i, provoni Demo-n tonë.

Ç’veçori do të donit të kishte SimpleForm-i?

SimpleForm-i përmban tashmë mjaft mundësi për të qenë një formular elementar kontaktesh, por ka mjaft veçori të tjera që i mungojnë. Shkoni te forumi i asistencës dhe krijoni një temë të re me idetë tuaja! Do të bëjmë ç’të mundeni për të përfshirë në hedhjet e ardhshme në qarkullim veçoritë që mungojnë.

Integrime

  • Parashtrime Formularësh Kontakti SimpleForm – Bazë të dhënash për SimpleForm-in. S’keni pse shqetësoheni më rreth humbjes së mesazheve të rëndësishëm, ngaqë çdo parashtrim i ri i formularit do të depozitohet në bazën e të dhënave të WordPress-it tuaj!

Kredite

Dëshirojmë të falënderojmë tërë ata që kanë kontribuar në përkthimin e SimpleForm-it. E e vlerësojmë vërtet kohën, ndihmën dhe sugjerimet tuaja.

  • Shqip: Besnik
  • Holandisht: Peter Smits
  • Anglisht (Afrikë e Jugut): Ian Barnes
  • Anglisht (Mbretëri e Bashkuar): Mark Scott Robson
  • Italisht: Gianluca, Stefano Cassone, Luisa Ravelli
  • Rumanisht: Dan Caragea
  • Spanjisht (Kolombi): Javier Esteban, Yordan Soares
  • Spanjisht (Meksikë): Javier Esteban, Yordan Soares, Ali Darwich, abramoca
  • Spanjisht (Spanjë): Javier Esteban, Fernando Tellado, Yordan Soares
  • Spanjisht (Venezuelë): Javier Esteban, Yordan Soares

Foto ekrani

  • Faqe parashtrimesh
  • Faqe përpunuesi formularësh
  • Faqe rregullimesh
  • Skedë mesazhesh
  • Skedë njoftimesh
  • Formësim shërbyesi SMTP
  • Formësim njoftimesh përgjegjësi
  • Formësim vetëpërgjigjësi
  • Gjedhe parazgjedhje formularësh
  • Formular që nuk kalon vlerësimin

Instalim

Aktivizimi i shtojcës SimpleForm bëhet ashtu si për çfarëdo shtojce tjetër.

Përdorim i Pultit të WordPress-it

  1. Shkoni te “Shtoni të Re”, te pulti i shtojcave
  2. Kërkoni për “SimpleForm”
  3. Klikoni mbi “Instaloje Tani”
  4. Aktivizoni shtojcën që nga pulti i Shtojcave

Ngarkim te Pulti i WordPress-it

  1. Shkoni te “Shtoni të Re”, te pulti i shtojcave
  2. Shkoni te fusha “Ngarkoni”
  3. Përzgjidhni “simpleform.zip” në kompjuterin tuaj
  4. Klikoni mbi “Instaloje Tani”
  5. Aktivizoni shtojcën që nga pulti i Shtojcave

Përdorim i FTP-së

  1. Shkarkoni “simpleform.zip”
  2. Përftojeni drejtorinë “simpleform” në kompjuterin tuaj
  3. Ngarkojeni drejtorinë “simpleform” te drejtoria /wp-content/plugins/
  4. Aktivizoni shtojcën që nga pulti i Shtojcave

Dhe pasi të jetë aktivizuar?

Menunë e re “Kontakte” do ta gjeni te pulti i administrimit. Ndaluni një çast për të formësuar SimpleForm-in dhe hapni faqen “Rregullime” të dhënë nën menunë e re të saposhtuar, bëni ndryshimet e dëshiruara, pastaj klikoni poshtë butonin “Ruaji ndryshimet”. Tani, jeni në gjendje të shtoni te sajti juaj një formular kontakti.

FAQ

Kush duhet ta përdorë SimpleForm-in?

Kushdo që ka nevojë vetëm për atë që është rreptësisht e nevojshme. SimpleForm është konceptuar për këdo që kërkon një formular minimalist kontaktesh, miqësor dhe plotësisht të kontrollueshëm.

Cilat fusha të formularit mund të përdoren?

Fushat standarde që vijnë me SimpleForm janë një fushë emri, një fushë mbiemri, një fushë adrese email, një fushë numri telefoni, një fushë subjekti, një fushë mesazhi dhe një fushë kutize pranimi.

A përfshin SimpleForm mbrojtje nga mesazhet e padëshiruar?

Sigurisht, përfshin, si parazgjedhje, dy fusha honeypot, mbrojtje të padukshme ndaj mesazhesh të padëshiruar, për t’i bërë robotë mesazhesh të padëshiruar të zbulojnë vetveten, dhe ju lejon edhe të aktivizoni fushë opsionale captcha matematike, çka kërkon ndërveprim njerëzor. Google reCAPTCHA dhe Akismet-i nuk mbulohen ende.

A i plotëson SimpleForm-i kushtet e GDPR-së?

Po, nëse grumbulloni të dhëna personale, mund të përdorni një kutizë për të kërkuar pranimin shprehimisht nga përdoruesi.

Pse s’po marr mesazhe, kur përdoruesit parashtrojnë një formular?

Lypset të aktivizoni një shërbyes SMTP. Mund të instaloni një shtojcë enkas që kujdeset për email-et e dërguar, ose mund të aktivizoni mundësinë tonë SMTP në faqen e rregullimeve. Nëse e keni bërë tashmë, verifikoni formësimin e saktë të shërbyesit SMTP dhe mbani gjithnjë të aktivizuar mundësinë për njoftime me email.

Ku mund të shoh parashtrimet e formularit tim?

Si parazgjedhje, SimpleForm nuk ruan mesazhet në bazën e të dhënave WordPress. Këtë veçori mund ta shtoni lehtësisht përmes shtesës Parashtrime Formularësh Kontakti SimpleForm. Pa të, depozitohet përkohësisht vetëm mesazhi i fundit. Ndaj, në rast përdorimi, rekomandohet të verifikoni formësimin e saktë të shërbyesit SMTP, dhe të mbani përherë të aktivizuar email-et e njoftimeve, nëse doni të jeni të sigurt se i merrni mesazhet.

A është SimpleForm-i gati për t’u përkthyer?

Po, SimpleForm është gati për t’u përkthyer në gjuhë të tjera. Nëse jeni poliglot, ndihmonani duke e përkthyer në gjuhën tuaj!

Mund ta ndryshoj kahun e tekstit?

Po, mund të ndryshoni kahun e tekstit nga e majta në të djathtë dhe nga e djathta në të majtë.

Ku mund të marr asistencë?

Ofrojmë asistencë falas, te depoja e shtojcave WordPress.org. Ju lutemi, bëni hyrjen në llogarinë tuaj. Klikoni mbi “Asistencë” dhe, në fushën “Kërkoni në këtë forum”, shkruani një fjalëkyç lidhur me problemin që keni. Lexoni tema që janë të ngjashme me problemin tuaj, për të parë nëse tema është zgjidhur më parë. Nëse problemi juaj vazhdon pas leximit të temave të kaluara, ju lutemi, krijoni një temë të re dhe plotësoni formularin. Para se të përdorni kanalin e asistencës, ju lutemi, hidhini një sy ndarjes tonë PBR, pasi kjo mund t’ju ndihmojë të gjeni përgjigjen menjëherë.

Shqyrtime

20 Dhjetor, 2019
Has solid options, includes SMTP mail support and is very performance based due to the very limited number of assets (CSS and JS) it will load on the front-end of the site where the shortcode is being rendered on.
Lexoni 1 shqyrtimin e vetëm

Kontribues & Zhvillues

“SimpleForm – Mënyra më e thjeshtë për të shtuar një formular kontakti” është software me burim të hapur. Në këtë shtojcë kanë dhënë ndihmesë personat vijues.

Kontribues

“SimpleForm – Mënyra më e thjeshtë për të shtuar një formular kontakti” është përkthyer në 10 gjuhë. Faleminderit përkthyesve për ndihmesën e tyre.

Përkthejeni “SimpleForm – Mënyra më e thjeshtë për të shtuar një formular kontakti” në gjuhën tuaj.

Ju intereson zhvillimi?

Shfletoni kodin, shkarkoni depon SVN, ose pajtohuni përmes RSS-je te regjistri i zhvillimeve.

Shënime ndryshimesh

1.9.2 (19 October 2020)

  • U ndreqën: çështje stilizimi fushash formulari
  • Added: option for adding a link to privacy policy page

1.9.1 (8 October 2020)

  • U ndreq: shfaqje e pasaktë e mesazhit për gabim telefoni, nëse AJAX-i është i çaktivizuar
  • U ndreqën: probleme të vogla në kod
  • U ndryshua: faqe përpunuesi formularësh
  • U ndryshua: mundësi mesazhi gabimi “not inline”
  • U shtua mundësi pozicioni parashtrimi
  • U shtua: gjedhe me theksim
  • U shtua: përputhshmëri me versionin 1.4 të SimpleForm për Parashtrim Formulari Kontaktesh

1.9 (14 September 2020)

  • U ndreqën: gabime të papërcaktuara treguesi
  • U shtua: mundësi për të shënuar fusha opsionale, në vend se fusha të domosdoshme
  • U shtua: mundësi për rrotullues ngarkimi, kur AJAX-i është i aktivizuar
  • U shtua: mund të për fshehje të mesazhit për gabim vlerësimi nën formularin

1.8.4 (24 August 2020)

  • U ndreq: gabim gjatë ruajtjes së mesazhit të gabimit te kutiza e pranimit
  • U ndreq: shfaqje e pasaktë mesazhesh gabimi, nëse formulari s’është vlerësuar
  • U ndreqën: probleme stilizimi fushash, kur mundësia për tekst nga-e-djathta-në-të-majtë është e aktivizuar
  • U ndreq: gabim vlerësimi formulari, kur fusha e telefonit është e domosdoshme
  • U ndreqën: gabime shkrimi
  • U ndryshua: ulje e numrit të kërkesave dhe mundësive të përdorura
  • U ndryshuan: rregullimet fillestare gjatë aktivizimit të shtojcës
  • U ndryshua: pastrim kodi
  • U shtua: gjedhe e tejdukshme

1.8.3 (11 August 2020)

  • U ndreqën: gabime shkrimi
  • U shtua: mundësi për dërgimin e një kopjeje email-i njoftimesh
  • U ndryshua: etiketa opsionesh

1.8.2 (30 July 2020)

  • U shtua: mundësi për personalizimin e mesazhit të gabimit, nëse dështon kërkesa AJAX
  • U shtua: mundësi për të mos përdorur email-in e parashtruesit, kur i përgjigjet një email-i njoftimi
  • U ndryshua: faqe rregullimesh
  • U ndryshuan: etiketa të reja të mençura për ndryshim dinamik të mesazhit të përgjigjes së automatizuar
  • U ndryshua: aftësia për të dërguar një email njoftimi tek disa marrës njëherësh

1.8.1 (12 July 2020)

  • U shtua: sinjalizim për JavaScript të çaktivizuar
  • U ndryshua: mundësia e gabimit të fushës së zbrazët nuk shfaqet, veç nëse fusha është e domosdoshme
  • U ndryshua: sendërtim më i mirë fushash honeypot

1.8 (1 July 2020)

  • U ndryshua: optimizim kodi JavaScript
  • U ndryshua: tanimë shfaqen krejt gabimet, në rast fushash të shumta të pavlefshme
  • U shtua: mundësi për ndryshim fokusi në gabime formulari
  • U shtua: mundësi për përdorim të një mesazhi të përgjithshëm, pa treguar numrin minimal të shenjave të domosdoshme në mesazhe gabimi gjatësie fushe
  • U shtuan: mundësi për mesazhe gabimi, në rast fushash të domosdoshme të lëna të zbrazëta

1.7 (1 June 2020)

  • U ndreq: Sipër formularit s’do të shfaqet ndonjë tekst, nëse te mundësia e përshkrimit të formularit s’është dhënë gjë
  • U ndreq: shfaqja e pasaktë e mesazhesh gabimi, kur përdoret mundësia i gjatësisë minimum të fushës
  • U ndreqën: gabime të papërcaktuara treguesi
  • U ndreqën: gabime shkrimi
  • U ndryshuan: probleme të vogla në kod
  • U shtua: mundësi për pozicionin e etiketave
  • U shtua: mundësi për përdorimin e një fjale për të shënuar fushat e domosdoshme
  • U shtua: mundësi për kah teksti nga-e-djathta-në-të-majtë
  • U shtua: mundësi për çaktivizimin e vlerësimit HTML5 të formularit
  • U shtua: mundësi përdorimi të një kodi JavaScript të përshtatur

1.6.1 (10 May 2020)

  • U ndreq: gabim instalimi gjatë krijimit të një sajti të ri në WordPress Multisite Network
  • U ndreqën: probleme kërkesash dinamike SQL
  • U ndreqën: probleme të vogla në kod dhe lokalizim
  • U shtuan: faqe të parakrijuara për formular kontaktesh dhe mesazh falënderimi
  • U shtua: faqet në gjendje skice do të shfaqen gjatë përzgjedhjes së faqes së mesazhit të ripohimit

1.6 (14 April 2020)

  • U ndreq: gabim hapjeje butoni mundësish ekrani
  • U ndreqën: probleme të vogla në kod
  • U shtua: mundësia për shtim gjatësie minimale për fusha teksti
  • U shtua: mundësia për shtim gjatësie maksimum për fusha teksti

1.5.1 (6 April 2020)

  • U ndreq: gabim i papritur gjatë aktivizimit të shtojcës
  • U ndreq: shfaqje gabimesh, kur parashtrimi i formularit nuk kryhet përmes AJAX-i

1.5 (1 April 2020)

  • U ndreqën: probleme të vogla në kod
  • U shtua: fushë për mbiemër
  • U shtua: fushë për telefon

1.4 (14 March 2020)

  • U ndreq: gabim vlerësimi emri, kur fusha e emrit s’është e domosdoshme
  • U ndreqën: probleme kërkesash dinamike SQL
  • U shtua: mundësi për fshehjen e yllit në fushat e domosdoshme
  • U shtua: mundësi për fshehje etiketash
  • U shtua: mundësi për vendmbajtëse

1.3.2 (29 February 2020)

  • U ndreq: sanitarizim i një ndryshoreje të përdorur jo si duhet brenda programthi JavaScript
  • U shtua: gjedhe e re Bootstrap

1.3.1 (21 February 2020)

  • U ndreq: gabim vlerësimi HTML5, kur parashtrimi i formularit kryhet përmes AJAX-i
  • U ndreqën: probleme stilizimi të fushës captcha
  • U ndryshua: optimizim kodi JavaScript
  • U ndryshua: lëndë e kartelës readme.txt

1.3 (11 February 2020)

  • U shtua: vlerësim formularësh HTML5
  • U shtua: mundësi përdorimi të një gjedheje elementare formularësh Bootstrap
  • U shtua: mundësi për çaktivizim të stilit parazgjedhje
  • U shtua: markup Bootstrap në gjedhe formulari kontaktesh
  • U ndryshua: kod gjedheje formularësh, për përshtatje të shpejtë dhe të lehtë
  • U ndryshuan: shprehje të rregullta PHP për vlerësim fushash formulari
  • U ndryshua: kodi JavaScript për vlerësim të çka jepet
  • U ndreqën: njoftimet përgjegjësi te faqja e parashtrimeve
  • U ndreqën: gabime shkrimi

1.2 (15 January 2020)

  • U shtua: mundësi përdorimi të një gjedheje të përshtatur formularësh
  • U shtua: përputhshmëri me WordPress Multisite Network
  • U shtua: përputhshmëri me shtesë për depozitim mesazhesh parashtrimi
  • U ndreqën: probleme programthesh dhe stilesh publike

1.1 (21 December 2019)

  • U shtua: mundësia për shtim teksti sipër formularit
  • U shtua: mundësia për shtim teksti nën formularin
  • U ndreqën: çështje stilizimi fushash formulari
  • U ndreqën: gabime shkrimi

1.0.1 (9 December 2019)

  • U ndryshua: lëndë e kartelës readme.txt
  • U ndreqën: çështje stilizimi fushash formulari
  • U ndreqën: gabime në përkthimin italisht

1.0 (1 December 2019)

  • Version fillestar