CAPTCHA Vërtet e Thjeshtë

Përshkrim

CAPTCHA Vërtet e Thjeshtë nuk funksionon më vete dhe është konceptuar për të punuar me shtojca të tjera. Fillimisht qe krijuar për Contact Form 7, por, mund ta përdorni me shtojcën tuaj.

Shënim: Ky produkt është “vërtet i thjeshtë”, siç e thotë emri i vet, pra, nuk është fuqimisht i sigurt. Nëse keni nevojë për siguri të përkryer, duhet të provoni zgjidhje të tjera.

Si funksionon?

CAPTCHA Vërtet e Thjeshtë nuk përdor “Sesione” PHP për të depozituar gjendje, ndryshe nga mjaft shtojca të tjera CAPTCHA në PHP, por i depoziton ato si kartela të përkohshme. Kjo ju lejon ta trupëzoni në WordPress pa çarë kryet për përplasje me elementë të tjerë.

Kur prodhoni një CAPTCHA, CAPTCHA Vërtet e Thjeshtë krijon për të dy kartela; njëra është një kartelë figurë e CAPTCHA-s, tjetra është një kartelë tekst që depoziton përgjigjen e saktë për CAPTCHA-n.

Dy kartelat kanë të njëjtën parashtesë (kutur) në emrat e tyre të kartelave, për shembull, “a7hk3ux8p.png” dhe “a7hk3ux8p.txt”. Në këtë rast, për shembull, kur përdoruesi përgjigjet me “K5GF” si një përgjigje për figurën “a7hk3ux8p.png”, CAPTCHA Vërtet e Thjeshtë përllogarit hashin e “K5GF” dhe e provon kundrejt hashit të depozituar te kartela“”a7hk3ux8p.txt”. Nëse këta të dy përputhen, përgjigja vlerësohet si e saktë.

Si të përdoret me shtojcën tuaj

Shënim: Më poshtë gjenden udhëzime për zhvillues shtojcash.

Së pari, krijoni një instancë të klasës ReallySimpleCaptcha:

$captcha_instance = new ReallySimpleCaptcha();

Mund t’i ndryshoni ndryshoret e instancës, nëse doni.

// Change the background color of CAPTCHA image to black
$captcha_instance->bg = array( 0, 0, 0 );

Nëse interesoheni për ndryshore të tjera, shihni really-simple-captcha.php.

Prodhoni një fjalë kuturu për CAPTCHA-n.

$word = $captcha_instance->generate_random_word();

Prodhoni një kartelë figurë dhe një kartelë përgjegjëse tekst te drejtoria e përkohshme.

$prefix = wp_rand();
$captcha_instance->generate_image( $prefix, $word );

Mandej, shfaqni figurën dhe merrni përgjigjen nga përdoruesi.

Kontrolloni saktësinë e përgjigjes.

$correct = $captcha_instance->check( $prefix, $the_answer_from_respondent );

Nëse $correct ka vlerën true, ecni më tej. Përndryshe, bllokoni atë që përgjigjet — ngaqë do të duket se s’është qenie njerëzore.

Dhe, e fundit, hiqni kartela të përkohshme figurash dhe tekst, ngaqë nuk përdoren më.

$captcha_instance->remove( $prefix );

Kaq.

Nëse doni të shihni një shembull të kësaj në funksionim, mund të provoni Contact Form 7.