Statistika Matomo – Statistika Etike. Dallim i Fuqishëm Prirjesh.

Përshkrim

Jeni tashmë përdoruesi i “Matomo On-Premise” apo “Matomo Në Re”? Duhet të përdorni shtojcën Connect Matomo, në vend se këtë shtojcë.

Të reja në Matomo 5.0:

• U përmirësua përputhshmëria me shtojca të tjera WordPress.
• Ndreqje të rëndësishme sigurie.
• Mjaft ndreqje të metash dhe përmirësime të tjera funksionimi.

Për tërë ju të zotët e sajteve WordPress që doni një mënyrë më të kollajtë për njohjen e prirjeve të klientëve, që të fuqizoni biznesin tuaj, tani mund të merrni zgjidhjen që përdorin profesionistët, falas!

Statistika Matomo është alternativa Nr. #1 e përdorur në vend të Google Analytics, e cila ofron një gamë të fuqishme veçorish, siguri dhe mbron privatësinë e përdoruesve tuaj. Kjo ju bën të mundur të njihni si të përmirësoni sajtin tuaj, të merrni vendimet e duhura për biznesin tuaj dhe të dilni në pah nga turma në një rrugë të parrezik dhe të besueshme.

Misioni i i Matomo-s është t’u rikthejë përdoruesve kontroll mbi të dhënat dhe pronësi të tyre. Duke strehuar statistikat web në shërbyesit tuaj, s’ka palë të treta që rrëmbejnë pronësinë, as shitje të të dhënave dhe askënd që sheh në to. Kjo do të thotë se kur instaloni Matomo-n pas pak klikimesh, jeni në kontroll të plotë të gjërave.

Gjithashtu është e lehtë për ju të dalloni prirje që prej Statistikave Matomo, me hartimin e ndërfaqes së tij për t’ju kursyer kohë dhe veçori që funksionojnë fill pas instalimit, të cilat lypin më pak formësim dorazi se sa Google Analytics.

Matomo-ja është i lirë, i sigurt dhe i hapët – platforma juaj etike për dallim prirjesh të përdoruesve.

Si i zgjidh problemet Statistika Matomo për WordPress:

• Pronësi 100% e të dhënave, askush tjetër s’mund të shohë të dhënat tuaja
• Krejt të dhënat depozitohen në WordPress-in tuaj dhe nuk dërgohen te ndonjë palë e tretë, apo vend tjetër
• Super e kollajtë për t’u instaluar. S’ka nevojë të dini programim apo të keni dije teknike #nocode
• Falas përgjithmonë për përdorim
• Hartuar për t’ju kursyer kohë, si një zgjidhje që funksionon fill pas instalimit (përfshi funksionimin me mjaft shitore etregti)
• Mbron privatësinë e përdoruesve tuaj
• Përgjegjës GDPR
• Pa kampionizim të dhënash
• Mundësi për ta zgjeruar,përmes një tregu modulesh gjithnjë në rritje
• Mbulon mbi 50 gjuhë
• Vjen i pajisur me Përgjegjësin Matomo të Etiketave

Si përqendrohet Matomo te privatësia:

• Mbrojtje e shkëlqyer privatësie përdoruesish
• Plot veçori për anonimizim të dhënash dhe adresash IP
• Kod i shkurtër WP për të trupëzuar në sajtin tuaj një veçori zgjedhjeje lënieje jashtë nga ndjekja
• Veçori për eksportim dhe fshirje të dhënash për GDPR-në
• Aftësi për të formësuar mbajtje të dhënash

Për ta përmbledhur, Matomo-ja ju lejon: të mësoni se cilët janë klientët tuaj dhe nevojat e tyre; të kuptoni se cila lëndë funksionon dhe se sa i angazhuar është publiku juaj; të identifikoni cilët kanale marketingu ju japin KTI më të lartë dhe të investoni me vetëbesim në kanale që janë produktivë për biznesin tuaj; si dhe të zbuloni bllokime dhe të ndreqni pika të mundimshme për vizitorë të ngatërruar, për të garantuar se do të bëhen klientë të kënaqur.

Ndër veçoritë përfshihen

• Veçori etregtie (mbulon WooCommerce, Easy Digital Downloads dhe MemberPress, fill pas instalimit)
• Ndjekje fushatash
• Profile vizitorësh
• Përgjegjës Etiketash
• Pulte
• Segmentim
• Raporte aty për aty
• Tranzicione
• Ndjekje gabimesh JavaScript
• Raporte / harta të thelluara gjeolokalizimi
• Mjaft vizualizime të ndryshme
• Evolucion rreshtash
• Krahasime raportesh
• Veçori eksportimi
• Shihni ndryshimet më të forta brenda një periudhe të dhënë kohore
• Mbulon API REST WP
• Dhe qindra veçori të tjera
• Jepuni kollaj kolegëve tuaj hyrje te raportet tuaj nëse / kur nevojitet
• Përjashtoni kollaj nga ndjekja disa role, vizitorë dhe faqe
• Mbulon WordPress Shumësajtësh. (Shënim: veçoria Përgjegjës Etiketash nuk funksionon nën Shumësajtësh.)
• Importoni të dhëna të mëparshme nga Google Analytics, ose Statistika WP

Veçori me pagesë:

• Harta Kulmimi Veprimtarie & Regjistrim Sesionesh
• Statistika Formularësh
• Statistika Mediash
• Hinka
• Veçori SEO – Radhitje sipas fjalëkyçesh
• Përshtatje raportimesh
• Grupe popullatash
• Rrjedhë pune e përdoruesit

Parakushte dhe domosdoshmëri teknike:

Xhirimi i Statistikave Matomo në shërbyesin tuaj mund të përdorë burime të konsiderueshme. Sa herë që dikush viziton sajtin tuaj WordPress, shërbyesit tuaj do t’i duhet të shërbejë faqet tuaja WordPress atij përdoruesi, si dhe të ndjekë në Matomo udhëtimin e përdoruesit, duke sjellë një kërkesë shtesë për çdo parje faqesh.

• Kufiri minimum për kujtesë PHP-je është 128MB, por rekomandojmë të përdorni një kufi më të madh (memory_limit = 256MB).
• 7.2 është versioni minimum i domosdoshëm për PHP-në.
• Nëse keni sajt me trafik të madh, ose administroni plot sajte, përmes WordPress-i Shumësajtësh, rekomandojmë instalimin më mirë të Matomo On-Premise, ose regjistrim te Matomo Cloud dhe të instaloni shtojcën Connect Matomo.
• Ju duhet të dini më tepër, para se ta instaloni? Jepini një të lexuar përmes PBR më popullore, për t’u siguruar se po bëni zgjedhjen më të mirë për ju.

Mbi 1 milionë sajte në më tepër se 190 vende e përdorin tashmë Matomo-n. Bëhuni pjesë edhe ju e revolucionit! Instaloni Matomo-n në sajtin tuaj WordPress, tërësisht falas dhe rifitoni kontrollin e plotë të të dhënave tuaja!

Burime palësh të treta që përdorim:

• Pas aktivizimit të kësaj shtojce, do të shkarkojë një bazë të dhënash Gjeolokalizimi (DBIP-City.mmdb), nga DB IP në drejtorinë tuaj të ngarkimeve. Baza e të dhënave DB-IP jepet sipas kushteve të licencës Creative Commons Attribution 4.0 International License. Kjo bazë të dhënash është e nevojshme për të pikasur vendndodhjen e vizitorëve tuaj bazuar në IP-të e tyre.
• Kur jepni një URL te widget-i i renditjes SEO, te Google, Alexa, Bing dhe të tjera shërbime SEO mund të dërgohet një kërkesë me URL-në e dhënë.

Falënderime

• Krejt ekipit të Matomo-s dhe cilitdo që ka dhënë ndihmesë
• André Bräkling-ut, i cili është autori i shtojcës Connect Matomo