Jetpack – Siguri, Kopjeruajtje, Shpejtësi, & Fuqizim WP

PBR

Falas është Jetpack-u?

Po! Veçoritë bazë të Jetpack-ut janë dhe do të jenë përherë falas.

Në to përfshihen: statistika sajti, një CDN shpejtësie të lartë për figura, postime të afërta, mbikëqyrje mosfunksionimi, mbrojtje nga sulme hyrjeje me zor, ndarje e automatizuar me të tjerë në rrjete shoqërorë, përshtatje anështyllash, mjete SEO (optimizimi për motorë kërkimesh) dhe plot të tjera.

Mos do duhej të blija një plan me pagesë?

Varet nga sajti juaj dhe se ç’lloj mbrojtjeje, funksionimi dhe anësh grafike ju duhen. Nëse nxirrni para nga sajti juaj, përgjigja, shpesh, është “po”. Për të pasur një ide, shërbimet me pagesë Jetpack përfshijnë kopjeruajtje të atypëratyshme, kontrolle sigurie, filtrim mesazhesh të padëshiruar, strehim videosh, nxjerrjeje parash nga sajti, kërkim, asistencë me përparësi, etj.

Për të mësuar më tepër rreth shërbimesh thelbësore sigurie dhe WordPress-i që japim, si dhe për të parë se si mund ta përmirësojmë sajtin tuaj, vizitoni faqen tonë të planeve.

Pse më duhet një llogari WordPress.com?

Jetpack-u lyp një llogari WordPress.com që të funksionojë, ngaqë ai vetë dhe shërbimet e tij jepen dhe administrohen nga WordPress.com.

Kam tashmë një llogari WordPress, por Jetpack-u s’funksionon. Si është puna?

Një llogari WordPress.com është tjetër gjë nga llogaria që përdorni për të hyrë te sajti WordPress që strehoni vetë. Nëse mundeni të hyni në WordPress.com, atëherë keni tashmë një llogari WordPress.com. Nëse s’mundeni, mund të krijoni lehtë një të tillë gjatë instalimit.

Si t’i shoh statistikat e mia?

Pasi të keni instaluar Jetpack-un, statistikat tuaja do të gjenden te pulti i Jetpack-ut tuaj dhe përmes aplikacionit zyrtar WordPress për celular.

Si të kontribuoj te Jetpack-u?

Ka mundësi pjesëmarrjeje për zhvilluesit e të gjitha niveleve. Mësoni më tepër rreth dhënies së ndihmesës në Jetpack, ose shihni mundësinë e pjesëmarrjes në programin tonë beta.

Ç’tjetër përmban Jetpack-u?

Jetpack-u është grupi përfundimtar i mjeteve për WP-në, për të dy, përpunuesin klasik dhe përpunuesin me blloqe, duke ju dhënë gjithçka që ju duhet për një sajt profesional. Përfshin veçoritë vijuese:

• Regjistër veprimtarie — Mbikëqyrni krejt ndryshimet e sajtit, për ndreqje, diagnostikim, apo mirëmbajtje
• Reklama — Fitoni të ardhura duke shfaqur në sajtin tuaj reklama cilësore.
• Matematikë e Hijshme — Përdorni gjuhën LaTeX për shkrim ekuacionesh apo formula të ndërlikuara matematikore, etj.
• Rrëshqitës rrotullame — Shfaqni një koleksion të hijshëm fotosh, sa krejt ekrani, me komente dhe tejtëdhëna EXIF.
• CDN — I ndihmon faqet tuaja të ngarkohen më shpejt, duke e lejuar Jetpack-un t’i optimizojë figurat tuaja dhe t’i shërbejë ato dhe kartelat statike (bie fjala, CSS dhe JavaScript) që prej rrjetit mbarëbotëror të shërbyesve.
• Komente — Zëvendësoni formularin tuaj parazgjedhje të komenteve me një sistem të përmirësuar, i cili integron mundësi hyrjeje me llogari rrjetesh shoqërore.
• Pëlqime Komentesh — U lejon lexuesve të pëlqejnë komentet e të tjerëve, për të shfaqur pajtim, miratim ose vlerësim.
• Formular Kontaktesh — Ofrojuni lexuesve tuaj aftësinë të lidhen me ju, pa dhënë për botën adresën tuaj personale email.
• CSS Vetjake— Përshtatni pamjen e temës tuaj pa krijuar një temë pjellë, ose pa u shqetësuar rreth përditësimesh që mbishkruajnë përshtatjet tuaja.
• Lloje Vetjake Lënde — Shton te sajti juaj Lloje Vetjake Lënde (LlVL-ra).
• Mbikëqyrje Mosfunksionimi — Ju sinjalizon përmes email-i, nëse sajti juaj del jashtë funksionimi, për të siguruar vazhdimin e punës.
• Shpërndarje e Thelluar — Rritni shtrirjen tuaj duke lejuar që lënda juaj të përfshihet te projektori WordPress.com i lëndës së blogjeve publikë.
• Widget-e Ekstra Anështylle — Widget-e Ekstra që mund t’i shtoni te blogu juaj, përfshi lidhje RSS, Rrjedha Kohore Twitter dhe kutiza Pëlqimesh Facebook.
• Gravatar Hovercards — Bëjeni profilin tuaj Gravatar të dukshëm për ata që shohin blogun tuaj.
• Analiza Google (GA) — Ndiqni statistikat e sajtit tuaj WordPress, falë Analizave Google.
• Rrëshqitje Pa Fund — Tërheq në pamje automatikisht postimet pasuese, kur lexuesi i afrohet fundit të faqes.
• API JSON — Autorizon aplikacionet dhe shërbimet të lidhen në mënyrë të sigurt me blogun tuaj dhe u lejon atyre të përdorin lëndën tuaj ose të ofrojnë anë të reja.
• Ngarkim Dembel Figurash — I bën faqet të ngarkohen më shpejt, duke kryer të ashtuquajturin “ngarkim dembel” të figurave që janë në ekran, si dhe ngarkim të figurave të tjera dora-dorës që përdoruesi rrëshqet drejt tyre
• Pëlqime — U lejon lexuesve të shfaqin me një klikim të vetëm vlerësimin e tyre për postimet tuaja.
• Markdown — Lejon të hartohen postime dhe komente me lidhje, lista dhe stile të tjerë, duke përdorur shkronjat e zakonshme dhe shenja pikësimi. Markdown përdoret nga shkrues dhe blogues që duan një rrugë të shpejtë dhe të lehtë për shkrim teksti të pasur, pa u dashur të heqin duart nga tastiera e tyre.
• Pikasje malware-i – kontrolle automatike për malware, që ju ndihmojnë të mbroni sajtin tuaj WP me një zgjidhje të automatizuar.
• Njoftime — Merrni te shtylla juaj e përgjegjësit dhe te pajisja juaj celulare njoftime për komente dhe Pëlqime të reja.
• Mbulim për oEmbed — trupëzoni me lehtësi figura, postime dhe lidhje prej Facebook-u dhe Instagram-i.
• Administrim Shtojcash — Lejon mirëmbajtje të kollajtë të sajtit, duke zgjedhur cilat shtojca të përditësohen automatikisht.
• Postoni përmes Email-i — Botoni postime duke përdorur çfarëdo klienti email.
• Mbrojtje — Mbroni sajtin tuaj nga sulme të shpërndarë tradicionalë ndaj hyrjes dhe ata për hyrje me zor.
• Publicize — Ndani postime të reja automatikisht me të tjerët në rrjete mediash shoqërore, ose planifikojini për të ardhmen, me mesazhe vetjakë.
• Postime të Afërt — Shfaqni postime të të njëjtit kontekst, të cilat mund t’u interesojnë vizitorëve tuaj për t’i lexuar, pasi të kenë mbaruar me postimin aktual.
• Mirëfilltësim i Sigurt — Hyrje e sigurt në llogari, e bazuar në WordPress.com, e përdorur nga miliona sajte me 2FA (mirëfilltësim dyfaktorësh) opsionalë, për mbrojtje ekstra.
• Kontrollor Sigurie — Anti-virus dhe pikasje kërcënimesh të tjera për sajtin tuaj WordPress, me zgjidhje të automatizuar të tyre.
• Kërkim — Një zëvendësim i fuqishëm për kërkimin e brendshëm të WordPress-it, bazuar në Elasticsearch në renë e WordPress.com-it
• Mjete SEO — Optimizojeni sajtin tuaj për motorë kërkimesh duke përfituar nga mjetet tona për SEO.
• Ndarje me të tjerë — Shton te postimet e blogut tuaj butona ndarjesh me të tjerë, që kështu lexuesit të mund të ndajnë lehtësisht me të tjerët lëndën tuaj.
• Trupëzime me kode të shkurtër — Trupëzoni video prej YouTube-i, mesazhe nga Twitter, si dhe media të tjera nëpër internet.
• Kopjeruajtje Sajti — Kopjeruani automatikisht krejt sajtin tuaj. Përsëdyteni, klonojeni, migrojeni, shpërnguleni te një strehë e re, rikthejeni në punë kollaj. Njohur dikur si VaultPress.
• Statistika Sajti — Shihni vizita sajti sipas datash, si dhe Faqet dhe Postimet më popullore.
• Verifikim Sajti — Verifikoni sajtin tuaj për përdorim me Google, Bing dhe Pinterest, si dhe mjetet e tyre.
• Hartë sajti — Prodhoni një listë të faqeve që duhen indeksuar nga motorë kërkimesh, bie fjala, Google ose Bing.
• Filtrim Spam-i — Filtroni automatikisht spam në komente, recensione produktesh, apo parashtrime formulari kontaktesh.
• Pajtime — Lejojuni vizitorëve të marrin njoftime rreth postimeve dhe komenteve tuaja më të reja.
• Galeri Mozaik — Shfaqini galeritë tuaja të figurave në tre stile të ndryshëm: një mozaik drejtkëndësh, një mozaik katror dhe një rrjetë rrethore.
• Strehim Videosh — Ngarkoni video për strehim të shpejtë, të qëndrueshëm, në WordPress.com.
• Lidhje të shkurtra WP.me — Prodhoni lidhje të shkurtra dhe të thjeshta për te lënda juaj, duke përdorur përkatësinë wp.me.
• Dukshmëri Widget-esh — Formësoni widget-e që të shfaqen vetëm në faqe të caktuara.
• Panel WordPress.com — Veçoria Panel WordPress.com zëvendëson shtyllën parazgjedhje të përgjegjësit dhe ofron lidhje të shpejta për te Lexuesi, për te krejt sajtet tuaj, te profili juaj WordPress.com, si dhe te njoftimet.

Ç’blloqe përfshin Jetpack-u?

Blloqet janë seksione individuale që përbëjnë një faqe. Ka plot lloje blloqesh që mund të përdorni. Çdo bllok mund të përpunohet ose lëvizet në mënyrë të pavarur nga blloqet e tjerë. Sa vijon, është një listë e krejt blloqeve aktualisht të gatshëm në Jetpack.

• Bllok Reklamash – Blloku i Reklamave ju lejon të futni kudo brenda lëndës së cilitdo postimi ose faqeje një njësi Reklame Jetpack.
• Bllok Orar – Blloku Orar ju lejon të shfaqni në sajtin tuaj orarin e biznesit tuaj.
• Bllok Calendly – Blloku Calendly i Jetpack-ut u lejon vizitorëve tuaj të planifikojnë takime tek-për-tek, veprimtari në grup dhe mbledhje ekipi, drejt e nga sajti juaj.
• Bllok Të Dhëna Kontakti – Blloku Të Dhëna Kontakti ju lejon të shtoni në çfarëdo postimi apo faqeje të dhënat tuaja të kontaktit (adresë email, adresë fizike, numër telefoni).
• Bllok Dhurime – Blloku i dhurimeve ju lejon të shtoni një buton pagesash në çfarëdo postimi ose faqeje, për një dhurim, bakshishe dhe kontribute të tjerë, duke përdorur Stripe-in si kanal pagesash.
• Bllok Eventbrite – Me bllokun Eventbrite mund të trupëzoni në postime dhe faqe veprimtari.
• Bllok Formular – Blloku Formular ju lejon të shtoni një formular te postimi ose faqja juaj.
• Bllok GIF – Blloku për GIF-e ju lejon të kërkoni te Giphy dhe trupëzoni me lehtësi një figurë të animuar GIF, drejt e te një postim ose faqe në sajtin tuaj WordPress.
• Bllok Kalendar Google – Blloku për Kalendar Google ju lejon të trupëzoni lehtësisht një Kalendar Google në postimin ose faqen tuaj
• Bllok Krahasim Figurash – Blloku i Krahasimit të Figurave ju lejon të shfaqni dhe krahasoni dallimet mes dy figurave krah për krah (ose poshtë dhe sipër) falë një rrëshqitësi.
• Bllok Postimet Më të Reja Instagram – Blloku Postimet Më të Reja ju lejon të shfaqni në sajtin tuaj figurat tuaja më të reja nga Instagram-i. Blloku përditësohet automatikisht, kur postoni figura të reja në Instagram.
• Bllok Mailchimp – Blloku Mailchimp u lejon vizitorëve të bëhen pjesë e listës tuaj Mailchimp të postimeve.
• Bllok Hartash – Blloku i hartave ju lejon të shtoni një hartë në çfarëdo postimi ose faqeje në sajtin tuaj.
• Bllok Markdown – Me bllokun Markdown mund të krijoni lëndë të formatuar duke përdorur vetëm shkronja të zakonshme dhe disa shenja pikësimi.
• Bllok OpenTable – Me bllokun OpenTable, mund të shtoni në postime ose faqe një formular rezervimesh.
• Bllok Paguani me PayPal – Paguani me PayPal ju lejon të shtoni një buton pagesash në çfarëdo postimi ose faqeje dhe të filloni menjëherë të merrni pagesa PayPal për produkte materiale, të mira dixhitale, ose një dhurim.
• Bllok Pagesash – Blloku i Pagesave ju lejon të shtoni një buton pagesash duke përdorur Stripe-in si kanal pagesash. Funksionon për pagesa njëshe dhe përsëritëse.
• Bllok Pinterest – Blloku për Pinterest është rruga më e lehtë për të trupëzuar lëndë Pinterest në sajtin tuaj: ju lejon të trupëzoni borde, profile dhe figura.
• Bllok Lojtës Podkastesh – Blloku Lojtës Podkastesh i Jetpack-ut ju lejon t’u shfaqni lehtësisht vizitorëve tuaj një listë të episodeve të freskët dhe t’i luajnë ata në sajtin tuaj.
• Bllok Postimesh të Afërt – Veçoria Postime të Afërt skanon krejt lëndën e postimeve tuaja, e analizon dhe e përdor këtë për t’u shfaqur vizitorëve tuaj postime të të njëjtin kontekst, të cilat mund t’u interesojnë për t’i lexuar, pasi të kenë mbaruar me postimin aktual.
• Bllok Vizitor Përsëritës – Blloku Vizitor Përsëritës i bën të mundur autorit të kontrollojë dukshmërinë e bllokut(qeve) të vet brenda njëri-tjetrit, në varësi se sa herë e ka vizituar më parë faqen një vizitor.
• Bllok Revue – Blloku Revue krijon një formular të thjeshtë regjistrimi që përdoruesit të zgjedhin marrjen e buletinit tuaj.
• Blloku Slideshow – Blloku Slideshow ju lejon të futni te një postim ose faqe një paraqitje figurash.
• Bllok Vlerësimi Me Yje – Blloku i Vlerësimit i lejon çdo autori sajti të shtojë në sajt shqyrtime.
• Bllok Formularësh Pajtimesh – Blloku i Formularëve të Pajtimeve ju lejon të futni një formular pajtimesh brenda fushës së lëndës në çfarëdo postimi ose faqe, duke u dhënë kështu lexuesve tuaj mundësinë të njoftohen kur botoni postime të reja.
• Bllok Galerie Mozaik – Me Galeritë mozaik mund të shfaqni galeri figurash në katër stile: mozaik, rrjetë rrethore, kuadrate dhe shtylla.
• Bllok Videosh – Blloku i Videove thellon bllokun ekzistues WordPress të Videove dhe ju lejon të ngarkoni video nga kompjuteri juaj për ta strehuar në WordPress.com, në vend se në shërbyesit e strehës tuaj.
• Bllok Butoni WhatsApp – Blloku për Buton WhatsAPP do t’u lejojë klientëve tuaj të dërgojnë një mesazh për t’u interesuar rreth produktesh ose shërbimesh, ose të kërkojnë asistencë. Klikimi mbi butonin do të hapë WhatsApp-in dhe do të plotësojë paraprakisht numrin e telefonit dhe mesazhin fillestar.

Jetpack-u ka krijuar gjithashtu zgjerime për disa nga blloqet bazë të WordPress-it:

• Unrolling Tweet Threads – Ky zgjerim i bllokut për Twitter ju lejon të importoni te përpunuesi një rrjedhë të tërë Tweet, si blloqe të brendshëm.
• Paraparje Shoqërorësh – Ky zgjerim i Përpunuesit Me Blloqe ju lejon të bëni paraparje se si do të duket postimi / faqja juaj në motorë kërkimesh dhe media shoqërore.

A më duhet dëshmi SSL?

Që të xhironi Jetpack-un në sajtin tuaj WordPress, nuk ju duhet një Dëshmi SSL. Megjithatë, është e këshillueshme të integrohen të dy në strategjinë tuaj të përgjithshme të sigurisë për WordPress. Një dëshmi SSL (dëshmi Secure Sockets Layer) krijon një lidhje të sigurt mes sajtit tuaj dhe shfletuesve të vizitorëve tuaj. Fshehtëzon çfarëdo të dhënash që ndahen me të tjerët në sajtin tuaj — bie fjala, adresa, email-e, numra telefonash dhe të dhëna kartash krediti — dhe mbron të dhënat prej hacker-ëve.

Nëse s’keni një dëshmi SSL, sajti juaj do të shfaqë te shfletuesit e përdoruesve një sinjalizim “jo i sigurt”, gjë që mund të ulë legjitimitetin tuaj në sytë e tyre. Dëshmitë SSL kanë gjithashtu një ndikim pozitiv në klasifikime nga motorë kërkimesh.

Procesi i ujdisjes së një dëshmie SSL do të varet nga furnizuesi i strehimit tuaj. Disa strehë përfshijnë dëshmi falas, ndërkohë që të tjerë aplikojnë një shumë vjetore.

Si ia çon Jetpack-u me WP Super Cache-in?

WP Super Cache funksionon duke ruajtur në fshehtinë faqet tuaja WordPress si faqe HTML statike, në mënyrë që kërkesat për faqe, për një faqe tashmë të pranishme në fshehtinë, s’kanë nevojë të trajtohen nga programthet PHP të WordPress-it. Zakonisht, shumica e vizitorëve të sajtit tuaj do të shohin versione fshehtine të faqeve WordPress, kështu që shërbyesi juaj do të ketë më tepër fuqi përpunimesh për të shërbyes një numër më të madh përdoruesish.

Jetpack-u përmban një CDN figurash që funksionon duke ruajtur në fshehtinë dhe i shërbyer figurat tuaja WordPress globalisht prej shërbyesve të vet. Këto shtojca mirëmbahen që të dyja nga Automattic dhe funksionojnë tok për t’ju dhënë shpejtësi ideale sajti.

Ç’version PHP-je më duhet?

Sajtet duhet të jenë ndërtuar mbi PHP 5.6 e sipër, por Jetpack-i mbulon përherë versionin më të ri të PHP-së.

A mund ta ndihmojë Jetpack-u sajtin tim të jetë në pajtueshmëri me GDPR-në?

Banderola jonë “Cookie dhe Pranime” mund t’ju ndihmojë të jeni në pajtueshmëri me GDPR-në. Direktiva ePrivatësi e Bashkimit Europian (së cilës shpesh i referohen si “ligji i cookie-ve”) dhe Rregullorja e Përgjithshme e Mbrojtjes së të Dhënave (GDPR) vendosin kërkesa mbi të zotët dhe operatorët e sajteve për dhënie informacionesh mbi përdorimin prej tyre të cookie-ve, si dhe marrje miratimi për këtë përdorim.

A mund të përdoret Jetpack-u për të shpërngulur sajte te një strehë e re?

Kopjeruajtja Jetpack mund të kryejë një migrim të plotë sajti te një strehë e re, të migrojë kartela temash dhe shtojca te një bazë e re të dhënash, të krijojë kopjeruajtje të plota baze të dhënash, të klonojë sajte, të ndreqë sajte të dëmtuar duke rikthyer në punë kopjeruajtje të mëparshme dhe ju lejon të ujdisni kollaj një sajt provë, duke krijuar një përsëdytje të sajtit tuaj ekzistues.