Jetpack Protect

Përshkrim

Kontroll i përditshëm falas kundër malware-i dhe siguri sajti WordPress. Jetpack Protect shfrytëzon bazën e zgjeruar të të dhënave të WPScan-it, një markë Automattic, që ka të regjistruara mbi 25000 cenueshmëri dhe malware. S’lyp formësim!

SIGURI TËRËSORE SAJTI, NGA EKSPERTË TË WORDPRESS-IT

Jetpack Protect është një shtojcë sigurie, falas dhe thelbësore, për WordPress, që kontrollon sajtin tuaj dhe ju sinjalizon rreth cenueshmërish, duke e mbajtur sajtin tuaj një hap para kërcënimeve të sigurisë. Është i kollajtë për t’u përdorur; ujdisja lyp vetëm pak klikime!

Duke përmirësuar Protect-in, shkyçni gjithashtu edhe veçorinë e kontrollit kundër malware-i, me ndreqje me një klikim për shumicën e problemeve dhe njoftime të menjëhershme, kur pikasen kërcënime. Firewall-i ynë i automatizuar për Aplikacione Web (WAF) mbron gjithashtu pandërprerë sajtin tuaj nga aktorë dashakeqë.

Jetpack Protect është krijuar nga ekspertë të WordPress-it; shoqëria jonë mëmë, Automattic, është pas Jetpack-ut, WordPress.com-it, WooCommerce-it, WPScan-it dhe plot të tjera. S’ka shoqëri që i kupton më mirë nevojat e sigurisë për sajte WordPress.

PËR ÇFARË KONTROLLON JETPACK PROTECT (VERSIONI FALAS)?

Jetpack Protect kontrollon përditë sajtin tuaj dhe ju njofton rreth:
– Versionit WordPress të instaluar dhe çfarëdo cenueshmërish të lidhura me të
– Ç’shtojca janë të instaluara dhe çfarëdo cenueshmërish të lidhura me to
– Ç’tema janë të instaluara dhe çfarëdo cenueshmërish të lidhura me to

Ç’janë cenueshmëritë? Pse më duhet ta kontrolloj rregullisht sajtin tim?

Cenueshmëri sajti janë të meta në kodin e një sajti, që dobësojnë sigurinë e përgjithshme të sajtit. Ato mund të mbërrijnë te sajti në rrugë të ndryshme, në shumicën e rasteve jo qëllimisht.

Disa nga cenueshmëritë që mund të mbërrijnë në një sajt janë:
– Kod sajti i shkruar dobët
– Të meta shtojcash dhe temash
– Të meta versionesh WordPress
– Formësime të gabuara sistemi

Nëse një agresor pikas një cenueshmëri te sajti juaj, mund ta shfrytëzojë për të marrë informacione me spec, të përditësojë sajtin tuaj, etj, për të dëmtuar biznesin apo markën tuaj.

Kjo është arsyeja pse është thelbësore të përdoret një kontrollor me reputacion dhe i besueshëm cenueshmërish & malware-i, si Jetpack Protect, për të mbajtur të parrezik sajtin tuaj.

A mund ta përdor Kontrollin Jetpack që të ndreq një sajt që është tashmë i infektuar?

Jetpack Protect (Scan) pikas dhe parandalon sulme, por s’është i hartuar të pastrojë plotësisht sajte të infektuar, para se të qe aktiv. Nëse sajti juaj ka malware, veproni menjëherë për ta pastruar dhe hequr kodin dashakeq.

Që të pastroni sajtin tuaj, sugjerojmë të përdorni një mjet heqjeje malware-i, ose, nëse mundet, ta riktheni prej një kopjeruajtjeje të bërë para infektimit. Që të siguroni sajtin tuaj, rekomandojmë përdorimin e Jetpack VaultPress tok me Jetpack Scan.

Mësoni më tepër rreth pastrimit të sajtit tuaj

MBROJTJE NGA SULME HYRJEJE ME ZOR

Jetpack Protect-i bllokon përpjekje të padëshiruara për hyrje nga botnet-e dashakeqe dhe sulme të shpërndara.

A po sulmohet sajti im?

Sulmet për hyrje me zor janë forma më e rëndomtë e hack-imit — dhe hacker-at s’bëjnë dallime. Si Sistemi i Administrimit të Lëndës më i përdorur në web, sajtet WordPress përbëjnë një objektiv tërheqës për hacker-a që duan të eksplorojnë cenueshmëri kodi unike të WordPress-it.

Duke përdorur rrjetë të gjerë kompjuterash, të njohur si botnets, hacker-at mund të provojnë të fitojnë hyrje në sajtin tuaj, duke përdorur mijëra ndërthurje të ndryshme emrash përdoruesi dhe fjalëkalimi, deri sa të gjejnë atë të duhurin.

Tani së fundi, agresorët kanë gjetur një mënyrë për të “amplifikuar” këto sulme kundër kartelës WordPress XML-RPC – duke e bërë të lehtë të provojnë të hyjnë pa leje në sajtin tuaj.

Sulmet për hyrje me zor në WordPress munden:
– Të ngadalësojnë sajtin tuaj (ose ta bëjnë të reshtë së përgjigjuri), për shkak kërkesash të përsëritura ndaj shërbyesit.
– Të lejojë hyrje të paautorizuar në sajtin tuaj për hacker-a që të ndryshojnë kodin tuaj, ose të futin lidhje spam.
– Të vënë në rrezik lëndën dhe të dhënat tuaja.

Ky është vendi ku hyn në punë Jetpack Protect-i. Mjetet tona të fjalës së fundit për sigurinë bllokojnë automatikisht këto sulme, duke mbrojtur sajtin tuaj WordPress prej hyrjesh të paautorizuara.

Mesatarisht, Jetpack-u bllokon 5193 sulme hyrjeje me zor në WordPress gjatë jetës së një sajti. Ju lejon të mbroni veten si kundër sulmeve tradicionale të hyrjes me zor, ashtu edhe sulme të shpërndara hyrjeje me zor që përdorin shumë shërbyes kundër sajtit tuaj.

PËRDITËSOJENI PROTECT-IN, QË TË HIQNI MALWARE ME NJË KLIKIM DHE TË JENI TË MBROJTUR NGA WAF-I YNË

Duke përmirësuar Protect-in, shkyçni siguri tërësore sajti, nga ekspertët e WordPress-it:
– Kontroll i përditshëm i automatizuar kundër malware-i, tej kontrolli për cenueshmëri
– Ndreqje me një klikim, për shumicën e problemeve
– Firewall Aplikacionesh Web (WAF) me përditësime të automatizuara rregullash
– Njoftime të menjëhershme me email, kur pikasen kërcënime
– Asistencë me përparësi nga ekspertë WordPress-i

Ç’është malware-i? Pse duhet të mbrohem kundër tij?

Malware-i është kod ose software dashakeq i krijuar për të prishur funksionimin e sajtit tuaj, për ta dëmtuar, ose për të fituar hyrje në të. Ka shumë rrugë se si malware-i mund të arrijë në sajtin tuaj WordPress. Metoda më e rëndomtë është përmes përdorimit nga agresorët të shtojcave apo temave të cenueshme për të instaluar malware.

Në mënyrë të ngjashme me cenueshmëritë e paraqitura më sipër, agresorët mund të përdorin malware për të kapur informacion rezervat, të dëmtojnë sajtin tuaj dhe të cenojnë biznesin ose markën tuaj.

Jetpack Protect-i ju njofton menjëherë për çdo kërcënim të pikasur, me ndreqje me një klikim për shumicën e problemeve.

Çfarë është një Firewall Aplikacionesh Web (WAF)?

Një firewall aplikacionesh web bllokon në sajtin tuaj trafik dhe kërkesa dashakeqe nga agresorë të ditur.

Dora-dorës që pikasen kërcënime, te firewall-i i Jetpack Protect-it shtohen rregulla të reja, të cilat sigurojnë mbrojtje të vazhdueshme për sajtin tuaj WordPress.

MBI 53500 CENUESHMËRI TË REGJISTRUARA NË BAZËN TONË TË TË DHËNAVE

Siguria WordPress është diçka që evoluon përgjatë kohës. Jetpack Protect shfrytëzon bazën e gjerë të të dhënave të WPScan-it, një markë Automattic. Krejt cenueshmëritë jepen në bazën tonë të të dhënave nga profesionistë të përkushtuar sigurie WordPress-i dhe përditësuar vazhdimisht, teksa vjen informacion i ri.

JETPACK PROTECT ËSHTË I KOLLAJTË PËR T’U UJDISUR DHE PËRDORUR

S’ka ç’të formësohet – procesi i ujdisjes është aq i kollajtë sa:
1. Instalimi dhe aktivizimi i shtojcës
2. Ujdisja e saj me një klikim.

Pasi e aktivizoni shtojcën, Jetpack Protect-i do të kryejë kontrolle të përditshëm të automatizuar për malware në sajtin tuaj WordPress dhe do t’ju njoftojë për cenueshmëri të lidhura me shtojcat tuaja të instaluara, tema, dhe bazën e WordPress-it.

ME 💚 NGA JETPACK

Ky është vetëm fillimi!

Po punojmë fort për të sjellë më tepër veçori dhe përmirësime në Mbrojtje Jetpack. Na bëni të ditura mendimet dhe idetë tuaja!

LEXIM I MËTEJSHËM

Foto ekrani

  • Përqendrohuni te punët e biznesit tuaj, teksa Jetpack Protect kontrollon automatikisht sajtin tuaj.
  • Mbajeni sajtin tuaj një hap para kërcënimeve të sigurisë dhe malware-it.
  • Shihni krejt cenueshmëritë e gjetura në sajtin tuaj dhe mësoni se si t’i ndreqni.
  • Jetpack Firewall është një aplikacion web firewall-i (të njohur si WAF), i konceptuar për të mbrojtur sajtin tuaj WordPress nga kërkesa dashakeqe.

PBR

Si ndihmon Jetpack Protect-i sigurinë e sajtit tuaj WordPress?

Protect është një shtojcë falas sigurie WordPress dhe kontrolli kundër malware-i, që kontrollon sajtin tuaj dhe ju vë në dijeni për malware të mundshëm dhe kërcënime sigurie në shtojcat e instaluara, temat dhe kartela e bazës së WordPress-it.

Plani falas kontrollon sajtin tuaj lidhur me cenueshmëri për versionin e WordPress-it, shtojcat dhe temat, kundrejt bazës sonë të zgjeruar të të dhënave për cenueshmëri (53500 të tilla), e cila bazohet në WPScan.

Duke përmirësuar Protect-in, përfitoni mundësinë e përdorimit të kontrolleve për malware WordPress, me ndreqje me një klikim, njoftime të menjëhershme për kërcënime dhe Firewall-in tonë për aplikacione Web (WAF) që mbron sajtin tuaj kurdo që të jetë nevoja.

A ka nevojë për shtojcën Jetpack që të funksionojë?

Jetpack Protect-it s’i duhet shtojca Jetpack që të xhirojë dhe sigurojë sajtin tuaj.

Cilat janë dallimet mes shtojcave Jetpack Protectt, Jetpack Scan dhe WPScan?

Jetpack Protect është një shtojcë e re sigurie WordPress, nga Jetpack, që përmban vetëm veçoritë tona të sigurisë. Mund t’ia filloni me veçoritë falas të Jetpack Protect-it të kontrollit për cenueshmëri dhe ta përmirësoni Jetpack Protect-in për të pasur mundësinë të përdorni kontroll të automatizuar kundër malware-i dhe firewall-in tonë për aplikacione web. Duke përmirësuar Protect-in, ju aktivizoni Jetpack Scan-in te shtojca.

Jetpack Scan është një produkt që mund të blihet për përdorim tok me shtojcën kryesore Jetpack, ose me Jetpack Protect. Jetpack Scan përfshin kontroll të automatizuar kundër malware-i dhe firewall-in tonë për aplikacione web, por s’përmban veçorinë e kontrollit për cenueshmëri prej shtojcës Protect. Nëse blini Jetpack Security, ose Jetpack Complete, Jetpack Scan përfshihet në to.

Nëse jeni tashmë një klient i Jetpack Scan-it, Sigurisë Jetpack, apo Jetpack Complete, mund të përfitoni nga veçoria e kontrollit për cenueshmëri të Jetpack Protect-it, duke e instaluar atë.

WPScan është një zgjidhje kontrolli cenueshmërish, për nivel ndërmarrjesh. Nuk rekomandohet për biznese të vegjël apo të mesëm. Nëse jeni një ndërmarrje që po kërkon zgjidhje të përshtatura mbrojtjeje sajtesh WordPress, ju lutemi, vizitoni: https://wpscan.com/

Për biznese të vogla e deri të mesme, mund të përdorni zgjidhjen tonë për kontroll cenueshmërish te shtojca Jetpack Protect.

A do të funksionojë Jetpack Protect-i te sajti im lokal?

Që të kryejë kontrollin për cenueshmëri, Jetpack Protect lyp një sajt në të cilën mund të hyhet publikisht.

Nga do ta marr vesh se Jetpack Protect-i gjeti cenueshmëri sigurie WordPress-i dhe malware?

Që të shihni kërcënime sigurie dhe malware të gjetur na kontrollori i brendshëm për malware, mund të vizitoni pultin e Jetpack Protect-it, te paneli i përgjegjësit të WordPress-it tuaj.

Ç’bëj, kur Jetpack Protect gjen një kërcënim sigurie?

Kur kontrollori për cenueshmëri gjen një kërcënim sigurie, mund të shihni veprimet e rekomanduara te pulti i Jetpack Protect-it, që të siguroni sajtet tuaj.

Nëse e keni përmirësuar Protect-in, sajti juaj do të kontrollohet gjithashtu përditë për malware dhe do të njoftoheni menjëherë përmes email, nëse pikaset çfarëdo kërcënimi. Do të jeni në gjendje të ndreqni shumicën e probleme, me një klikim.

A mund të caktoj një kohë për kontroll të përditshëm sigurie?

S’është e mundshme të caktohet një kohë për kontrolle të përditshëm të automatizuar të kryer nga kontrollori i integruar për malware.

Pse më duhet siguri WordPress-i dhe kontrolle kundër malware-i?

Një sajt WordPress i hack-uar mund t’i shkaktojë dëm serioz të ardhurave nga biznesi juaj dhe reputacionit tuaj. Jetpack Protect e kontrollon sajtin tuaj dhe ju bën të ditur rreth malware-i të mundshëm dhe kërcënimesh sigurie në shtojcat, temat dhe kartelat e bazës të instaluara.

Ku mund të mësoj më tepër rreth sigurisë në WordPress dhe kërcënimeve nga malware?

Që të mësoni si të arrini siguri më të mirë WordPress-i, shihni këtë udhërrëfyes. Te Blogu i Jetpack-ut, mund të gjeni mjaft artikuj më tepër, të shkruar nga ekspertët më të mirë të sigurisë për WordPress.

A është Jetpack Protect e njëjta gjë me veçorinë Protect te shtojca Jetpack?

Shtojca e re Jetpack Protect është e ndryshme nga veçoria e dikurshme e Jetpack-ut, e njohur si Protect (tanimë e riemërtuar Mbrojtje Nga Sulme Hyrjeje me Zor).

Shqyrtime

15 Dhjetor, 2024
Helpful for my regular website security check. Jetpack the good guard helping my website.
Lexojini krejt 112 shqyrtimet

Regjistër ndryshimesh

3.1.1 – 2024-10-17

Changed

  • Firewall: Ndreqje përputhshmërie me versione të mëparshëm, për sajte që funksionojnë nën mënyrën standalone me paketa të vjetruara të ngarkuara automatikisht.