Jetpack Boost – Shpejtësi, Funksionim dhe CSS Kritike Sajtesh

PBR

Çfarë bën Jetpack Boost për të ndihmuar të bëhet më i shpejtë sajti im WordPress?

Jetpack Boost bën ndryshime të vockla te mënyra se si dërgohen të dhënat nga sajti juaj WordPress te shfletuesit e përdoruesve, për ta shfaqur më shpejt sajtin tuaj.

Jetpack Boost përfshin një numër gjithnjë në rritje veçorish më vete, që mund të aktivizohen individualisht për të përmirësuar funksionimin e sajtit tuaj. Në to përfshihen:

• Optimizo Ngarkim CSS-je: Kjo veçori përcakton CSS-në më të rëndësishme që i duhet sajtit tuaj për të shfaqur sa më shpejt që të jetë e mundur lëndën fillestare të sajtit dhe e trupëzon drejt e te kryet e sajtit tuaj.
• Fshehtinë Faqesh: Kjo veçori depoziton faqet e sajtit tuaj si kartela statike HTML, duke anashkaluar nevojën për rikrijim dinamik. Kjo do të thotë se vizitorët i marrin më shpejt faqet, duke zvogëluar kohë pritjeje dhe duke përmirësuar funksionimin në përgjithësi të sajtit.
• Vonim JavaScript-i Jothelbësor: Kjo veçori detyron krejt JavaScript-in që s’mendohet thelbësor për shfaqjen e sajtit tuaj të ngarkohet paso të jetë ngarkuar lënda kryesore e sajtit tuaj.
• CDN Figurash: Kjo veçori ripërmason automatikisht figurat në një madhësi më të përshtatshme për ekranet e vizitorëve tuaj, i shndërron ato në formate modernë figurash dhe i shërben që nga rrjeti mbarëbotëror Jetpack i shërbyesve të figuraves.
• Vargëzim JS-je: Kjo veçori zvogëlon madhësinë e burimeve tuaja JavaScript dhe i ndërthur ato automatikisht në më pak kartela, duke i lejuar sajtit tuaj të ngarkohet më shpejt me më pak kërkesa.
• Vargëzim CSS-je: Si me vargëzim JavaScript-i, kjo veçori tkurr kartelat tuaja CSS dhe u lejon atyre të ngarkohen me më pak kërkesa.

Ç’përmirësime shpejtësie mund të pres, kur përdoret Jetpack Boost?

Funksionimi i sajtit është i ndërlikuar dhe mund të ndikohet nga një numër faktorësh. Si përfundim, është e vështirë të parashikohet me saktësi sa ndikim do të ketë në secilin sajt.

Në përgjithësi, sa më i ulët vlerësimi i shpejtësisë tuaj në fillim, aq më tepër mund të ndikojë Jetpack Boost në funksionimin tuaj. Kemi parë përdorues të njoftojnë për deri në 25 pikë Vlerësimi Shpejtësie vetëm nga instalimi dhe përdorimi i Jetpack Boost-it.

Por, ngaqë funksionimi mund të ndikohet nga kaq shumë faktorë, është gjithashtu e mundshme që Jetpack Boost të ketë një ndikim të vogël negativ në funksionimin, në ndonjë rast të rrallë.

Rekomandojmë të instaloni Jetpack Boost dhe ta provoni vetë. Përfshin një mjet për Vlerësim Shpejtësie, për të kontrolluar ç’ndikim nga në sajtin tuaj.

A mund të shtyj për më vonë edhe CSS jo kritike me Jetpack Boost?

Jetpack Boost lë automatikisht për më vonë CSS jothelbësore, nëse veçoria “Optimizo Ngarkim CSS-je” është e aktivizuar.

Veçoria “Optimizo Ngarkim CSS-je” identifikon rregullat CSS më të rëndësishme për të cilat ka nevojë sajti juaj që të shfaqë faqet sa më shpejt që të jetë e mundshme (e quajtur zakonisht “CSS Kritike”) dhe lë për më vonë ngarkimin e krejt rregullave të tjera CSS, derisa të jetë ngarkuar lënda juaj kryesore.

Ç’janë Web Vitals?

Web Vitals janë matjet që përdor Google për të kuptuar më mirë funksionimin e një sajt nga ana e përdoruesit. Duke përmirësuar vlerat për Web Vitals ju përmirësoni gjithashtu funksionimin e sajtit tuaj për përdoruesit.

Më tepër rreth Web Vitals mund të lexoni te web.dev

Si i përmirëson Web Vitals Bazë shtojca Jetpack Boost?

Secili Web Vital Bazë lidhet me një aspekt se sa shpejt mund të ngarkohet sajti juaj dhe shfaqet në ekranet e vizitorëve të rinj.

Jetpack Boost bën ndryshime të vockla te mënyra se si dërgohen të dhënat nga sajti juaj WordPress te shfletuesit e përdoruesve, për të bërë të mundur që lënda të ngarkohet më shpejt. Për pasojë, mund të përmirësojë vlerësime Web Vitals Bazë për sajtin tuaj.

Për shembull, veçoria jonë “Optimizo Ngarkim CSS-je” bën të mundur që rregullat CSS më të rëndësishme dërgohen te shfletuesit e përdoruesve sa më herët që të mundet, duke përmirësuar pikët si për First Contentful Paint (FCP), ashtu edhe Cumulative Layout Shift (CLS).

A ka nevojë për Jetpack kjo shtojcë?

Jetpack Boost është një pjesë e markës Jetpack, por që të funksionojë s’ka nevojë për shtojcën Jetpack. Kjo është një shtojcë më vete nga Jetpack-u dhe do të mbesë kështu përherë.

A do të jetë në gjendje kjo shtojcë të përmirësojë funksionimin e cilitdo sajt?

Kjo shtojcë përfshin një gamë përmirësimesh funksionimi, të cilët mund të ndihmojnë thuajse cilindo sajt WordPress të funksionojë më mirë.

Megjithatë, nëse sajti juaj është tashmë tejet mirë i optimizuar, Jetpack Boost mund të mos ketë edhe aq vend për ta përmirësuar.

Jetpack Boost përfshin një mjet për matje Vlerësimi Shpejtësie të sajtit tuaj – i nxisim përdoruesi ta provojnë dhe të shohin ç’ndikim mund të ketë për ta.

Si ta di se po funksionon?

Çdo sajt është i ndryshëm nga të tjerët dhe kështu përfitimet në funksionim për çdo modul mund të jenë të larmishme nga sajti në sajt. Kjo është arsyeja pse rekomandojmë që të matni përmirësimet e funksionimi në sajtin tuaj, duke aktivizuar një nga një modulet e funksionimit. Ka plot mjete që mund t’i përdorni falas për të matur përmirësime funksionimi:

• WebPageTest.org
• web.dev/measure
• PageSpeed Insights
• GTMetrix

Matjet Google PageSpeed janë të brendshme te pulti Jetpack Boost.

A është i parrezik Optimizimi i Shpejtësisë me Jetpack Boost?

Po,, s’ka rrezik të provohet Jetpack Boost në çfarëdo sajti WordPress.

Jetpack Boost s’ndryshon lëndën e sajtit tuaj, thjesht ndryshon mënyrën se si dërgohet lënda te shfletuesi i përdoruesit, për të lejuar shfaqje më të shpejtë.

Për pasojë, krejt veçoritë e Jetpack Boost’ mund të çaktivizohen pa rrezik, në rast mospërputhjeje me shtojcat tuaja të tjera.

Si del Jetpack Boost në krahasimin me shtojca të tjera optimizimi shpejtësie?

Shtojcat për Optimizim Shpejtësie WordPress-i mund të jenë të ndërlikuara dhe të patejdukshme për përdoruesit. Shpesh ofrojnë shtylla me kutiza për t’u vënë shenjë, me pak shpjegim dhe s’përfshijnë mjete për të matur ndikimin e secilës zgjedhje që bëjnë përdoruesit.

Jetpack Boost synon të jetë sa më i lehtë në përdorim që të jetë e mundshme dhe përfshin një tregues Vlerësimi Shpejtësie, për të ndihmuar përdorues të masin menjëherë ndikimin e zgjedhjeve të tyre.

A funksionon me fshehtinë statike faqesh?

Pa diskutim! Nëse keni të instaluara shtojca të tilla si WP Super Cache, ose W3 Total Cache – Jetpack Boost vetëm se do të ndihmojë të shtohen përfitimet në funksionim! Mbani parasysh se që të duken përmirësimet nga Jetpack Boost, lypset të prisni të spastrohet fshehtina.

A mund ta bëjë Jetpack Boost sajtin tim të ngarkohet më shpejt, nëse kam një bazë të madhe të dhënash?

Jetpack Boost s’përmban hëpërhë ndonjë optimizim që synon baza të mëdha të dhënash. Sidoqoftë, ndiqeni këtë hapësirë – kërkojmë përherë për rrugë të reja për të ndihmuar përdoruesit tanë të kenë më tepër sukses.

A ndihmon Jetpack Boost lidhur me optimizim figurash?

Veçoria CDN Figurash e Jetpack Boost-it shndërron automatikisht figurat tuaja në formate web më modernë, çka sjell madhësi më të vogla kartelash figurash pa humbje në cilësi.

A është Jetpack Boost i përputhshëm me shtojca të tjera fshehtine dhe optimizimi shpejtësie?

Me ndopak përjashtime, Jetpack Boost-i s’ka probleme të xhirojë tok me shumicën e shtojcave për fshehtinë dhe për bërje optimale të shpejtësisë. Si rregull të përgjithshëm, nuk rekomandojmë aktivizimin e të njëjtës veçori të disa shtojca optimizimesh.

Për shembull, nëse dy shtojca rreken të shtyjnë për më vonë JavaScript-et tuajt jothelbësorë. atëherë mund të përfundojnë në përplasje me njëra-tjetrën dhe të shkaktojnë probleme shfaqjeje në sajtin tuaj.

Nëse hasni probleme përputhjeje, ju lutemi, na i bëni të ditur. Mund të na shkruani në çfarëdo kohe një rresht te Forumet e Asistencës për Jetpack Boost.