Përshkrim
Kopjeruajtje Jetpack VaultPress është një shtojcë që ju jep kopjeruajtje me bazë renë dhe rikthime me një klikim, pa u dashur të instaloni shtojcën e plotë Jetpack. Shtojca WordPress për kopjeruajtje e vënë më tepër në provë, me mbi 270 milionë kopjeruajtje. Ruani çdo ndryshim dhe rikthehuni pa humbur kohë në linjë, me rikthime me një klikim.
Shënim: Që të përdorni këtë shtojcë, do t’ju duhet të kini një plan Jetpack me pagesë që përfshin Kopjeruajtje.
Rikthimi i sajtit tuaj s’ka qenë kurrë më i lehtë
Nëse fitoni para nga sajti juaj, ose harxhoni orë të tëra duke përsosur lëndë, ju duhen kopjeruajtje WordPress-i. Mbroni investimin tuaj duke e rikthyer sajtin tuaj në punë brenda pak sekondash. Shtojca jonë për kopjeruajtje të automatizuara WordPress është e fuqishme për profesionistët, por mjaftueshëm e kollajtë për fillestarët.
- Shtojcë e kollajtë për t’u përdorur, me rikthime me një klikim
- Rikthejeni nga kudo, me aplikacionin Jetpack për celular
- Rikthejeni, edhe në sajti juaj është jashtë funksionimi
- S’duhet zhvillues
- Asistenca më e mirë
Nëse shërbyesit e strehuesit tuaj dalin jashtë përdorimit, mendojmë ne për ju
Kopjeruajtjet nga streha ofrojnë ca mbrojtje, por mund të mos jetë e mjaftueshme për të ruajtur plotësisht të dhënat tuaja të çmuara. Ato kanë shpesh kufizime, bie fjala, vetëm kopjeruajtje një herë në ditë, depozitim “on-site” dhe ndërfaqe të ngathëta.
Shkyçni përparësinë e Kopjeruajtjeve VaultPress:
- Siguri e Pashoqe: Ruani aty për aty çdo ndryshim, në Renë ultra të sigurt Jetpack.
- Rimarrje e Menjëhershme: Riktheni sajtin tuaj, edhe kur streha juaj është jashtë funksionimi.
- Kopjeruajtje të ndërtuara posaçërisht për sajte WordPress dhe WooCommerce.
Qëndrueshmëri të cilës mund t’i zini besë
Kopjeruajtje Jetpack VaultPress ngrihet mbi infrastrukturën e klasit botëror të WordPress.com-it, ndaj mund të jeni të qetë se sajti juaj është i parrezik dhe mund të rikthehet në punë në çfarëdo çasti. Kopjeruajtjet nga shërbime strehimi shpesh hanë kohë të madhe dhe duam ekspertizë teknike për t’i rikthyer. Keni gjëra më me rëndësi për të bërë.
- Kopjeruani krejt kartelat, përfshi kopjeruajtje bazash të dhënash WordPress, kopjeruajtje kartelash temash dhe kopjeruajtje shtojcash
- Kopjeruajtje të krejt të dhënave mbi klientë dhe porosi WooCommerce
- Kopje identike të bëra në shërbyes të shumtë
- Kopjeruajtje jashtë sajti / në re, pra s’ka ngarkesë në shërbyesin tuaj
- Infrastrukturë globale shërbyesish
- Testuar për të garantuar se s’ka përplasje me shtojca apo shërbime strehimi të njohura
Kopjeruajtje të krijuara për WooCommerce-in
Kopjeruajtjet janë thelbësore për shitore eTregtie. Porosi të reja vijnë në çfarëdo çasti, ndaj ju duhet një plan për të mbajtur të parrezik të dhënat e porosive dhe klientëve tuaj. Kjo është arsyeja pse hartuam shtojcën Kopjeruajtje Jetpack VaultPress, posaçërisht me WooCommerce në mendje.
- Rikthejeni sajtin tuaj te cilado gjendje e kaluar, teksa ruhet aktuale krejt porositë dhe produktet
- Mbroni të dhënat e klientëve tuaj dhe jini në pajtim me GDPR-në
- Kopjeruajtje të përshtatura tabelash WooCommerce
Një must‑have për krijues sajtesh WordPress
Kurseni orë kohe të harxhuar në zhvillim dhe mirëmbajtje sajtesh, duke i rikthyer në çfarëdo pike të dikurshme. Një ndryshim i vetëm që ia vlen. Kopjeruajtjet aty për aty shkojnë tej një fotografimi, për t’ju dhënë fuqi dhe zhdërvjelltësi të plotë. Regjistri i veprimtarisë ju lejon të dini me saktësi se farë veprimi (dhe prej kujt) e nxori nga funksionimi sajtin, që të shfaqeni si profesionist për klientët tuaj.
- Kopjeruajtje të plota, inkrementale dhe diferenciale, aty për aty
- Filloni një kopjeruajtje në çfarëdo kohe, me butonin Kopjeruaji tani
- Listë e plotë e krejt ndryshimeve të sajtit
- Rikthejeni shpejt e shpejt nga çfarëdo pike kohore
- Ndihuni i fuqishëm të eksperimentoni me pamjen dhe ndjesitë që jep sajti juaj
Asistencë Ekspertësh
Kemi një ekip global Inxhinierësh të Lumturisë gati për t’ju dhënë asistencë të pabesueshme. Bëni pyetjet tuaja te forumi i asistencës, ose lidhuni drejtpërdrejt me ne.
Fillojani
Instalimi është falas, i shpejtë dhe i kollajtë. Duhen vetëm pak minuta për të instaluar Kopjeruajtje Jetpack VaultPress.
Shënim: Që të përdorni këtë shtojcë, do t’ju duhet të kini një plan Jetpack me pagesë që përfshin Kopjeruajtje.
Foto ekrani
Ruani çdo ndryshim, përmes kopjeruajtjesh të atypëratyshme dhe rikthehuni në linjë përmes rikthimesh me një klikim. 
Kopjeruajtjet e sajtit tuaj depozitohen në vendndodhje të shumta në infrastrukturën tonë të klasit botëror, që të mund t’i riktheni në çfarëdo çasti.
Instalim
Instalim i automatizuar
Mundësia e parë është për të instaluar Jetpack VaulPress Backup që nga zona Përgjegjës WP e instancës tuaj.
- Për t’i filluar, klikoni lidhjen Shtojca te anështylla majtas, mandej klikoni “Shtoni të Re”.
- Kërkoni për Kopjeruajtje VaultPress Jetpack. Te përfundimet e kërkimit do të gjendet versioni më i ri. Klikoni mbi butonin “Instaloje Që Tani”:
- Në vazhdim, klikoni butonin “Aktivizoje”. Pas aktivizimit, do t’ju shfaqet hapi për ujdisje të Kopjeruajtjeve Jetpack VaultPress.
Alternativa Dorazi
Përndryshe, instaloni Jetpack VaultPrees Backup përmes drejtorisë së shtojcave, ose ngarkojini kartelat dorazi te shërbyesi juaj dhe ndiqni udhëzimet që shfaqen në ekran.
Udhëzime të hollësishme rreth instalimit të Kopjeruajtjeve Jetpack VaultPress mund të gjenden te artikulli ynë Getting Started with the Jetpack VaultPress Backup Plugin.
PBR
-
Pse më duhen kopjeruajtjet?
-
Kopjeruajtjet e sajteve janë kyçe për një biznes apo prani në internet. Nëse bëni një gabim në ndryshim të diçkaje, doni të eksperimentoni me pamjen & ndjesitë që jep sajti juaj, ose ndodh dika dashakeqe me sajtin tuaj, pasja e kopjeruajtjeve kurson kohë dhe para në rikthimin e sajtit tuaj në funksionim, ose te një version i mëparshëm. Me Kopjeruajtje Jetpack VaultPress ju thjesht klikoni për ta rikthyer në një pikë të caktuar dikur dhe vazhdoni ditën tuaj.
-
Si ta rikthej sajtin tim përmes Kopjeruajtjeje VaultPress Jetpack?
-
Është e kollajtë të rikthehet në punë sajti juaj vetëm me pak klikime. Për më tepër hollësi, kontrolloni këtë video të shkurtër.
Për asistencë më të hollësishme, shihni artikullin e plotë të asistencës.
-
A s’ka tashmë strehuesi im kopjeruajtje?
-
Shumica e strehëve kanë njëfarëlloj kopjeruatje. Por shpesh ato janë jo të shpeshta dhe të zorshme për t’i rikthyer. Nëse sajti juaj del nga përdorimi, ju duhet hyrje te kopjeruajtjet tuaja. Nëse ato janë depozituar te platforma e strehimit për ju (ose në diskun tuaj!) dhe kartelat tuaja janë komprometuar, mund të jetë komprometuar edhe kopjeruajtja e bazës suaj të të dhënave.
Depozitimi jashtë sajti i kopjeruajtjes nga Jetpack-u ju lejon të riktheni një version të pastër të sajtit tuaj WordPress edhe nëse s’bëni dot hyrje në llogari. Kur bazoheni vetëm te kopjeruajtje të brendshme nga streha juaj, i vini tërë vezët në një shportë. Ja një shembull nga një klient Jetpack i asaj që mund të ndodhë. Pa një kopjeruajtje nga një palë e tretë, që i kopjon kartelat tuaja jashtë sajtit, sajti juaj mund të jetë në rrezik. Një lëvizje e gabuar nga ju, apo nga strehuesi i sajtit tuaj mund të komprometojë kartelat tuaja, ose t’i fshijë ato tërësisht.
-
Si të krijoj një kopjeruajtje WordPress për sajtin tim?
-
Nëse s’keni Kopjeruajtje, si pjesë të planit tuaj Jetpack, vizitoni Jetpack.com, që të mësoni më tepër dhe të blini.
Sapo ta blini shtojcën Kopjeruajtje Jetpack VaultPress, do të aktivizohet dhe do të plotësohet dhe kopjeruajtja e parë. Zor se ka ndonjë rregullim që duhet formësuar dhe s’ju duhet përvojë në programim.
Për plane me kopjeruajtje të përditshme, një kopjeruajtje e re do të ndodhë afërsisht 24 orë prej kopjeruajtjes së mëparshme. Kryhen vetvetiu – s’ka nevojë të krijoni një kohë specifike kur të xhirojnë kopjeruajtjet.
Për plane me kopjeruajtje të atypëratyshme, kopjeruajtja e re do të kryhet çdo herë që është bërë një ndryshim në tabela baze të dhënash të bazës së WordPress-it, në tabela baze të dhënash WooCommerce dhe çfarëdo ndryshimesh në kartela të lidhura me to. Krejt ndryshimet e tjera kopjeruhen një herë në ditë.
Një kopjeruajtje mund ta filloni edhe “sipas kërkesave”, duke klikuar mbi butonin Kopjeruaje tani.
Do ta kuptoni se kopjeruajtja juaj WordPress është krijuar, nëse shihni një akt Kopjeruajtje e plotë te regjistër veprimtarish.
-
S’e shihni kopjeruajtjen tuaj WordPress te regjistri i veprimtarisë?
-
Nëse vini se se kopjeruajtjet s’po ruhen ende, përditësoni kredencialet për sajtin tuaj. Kaloni te Jetpack Cloud dhe klikoni Rregullime. Duhet të shihni një formular që ju lejon të shtoni kredencialet e sajtit tuaj.
Nëse Jetpack-i s’mund të vendosë kontakt me sajtin tuaj dhe s’është e mundshme të krijohen kopjeruajtje, do të merrni një email pas dy provash të dështuara.
-
A mund të përdor Jetpack-un për kopjeruajtje të bazës sime të të dhënave WordPress?
-
Po, shtojca Kopjeruajtje Jetpack VaultPress kopjeruan bazën tuaj të të dhënave WordPress. Hollësisht, çfarëdo tabelash që fillojnë me parashtesën e tabelës tuaj WordPress dhe që ka gjithashtu një kyç unik, ose kyç parësor. Për më tepër hollësi, vizitoni faqen e asistencës.
-
A mund të përdor Jetpack-un për kopjeruajtje të kartelave të ima?
-
Po, shtojca Kopjeruajtje Jetpack VaultPress kopjeruan bazën tuaj të të dhënave WordPress. Kjo përfshin krejt kartelat te drejtoritë plugins, mu-plugins, themes dhe uploads. Për më tepër hollësi, vizitoni faqen e asistencës.
-
A mund të përdor Jetpack-un për kopjeruajtje të sajtit tim pa shtojca?
-
Po. Do të përjashtojmë çfarëdo drejtorie që përmban një kartelë të quajtur .donotbackup. Në u dashtë, mund t’i krijoni vetë këto kartela, për të penguar qëllimisht kopjeruajtjen e disa drejtorive. Nëse shtohet një drejtori e quajtur donotbackup, do të përjashtojmë gjithashtu krejt kartelat brenda asaj drejtorie. Për më tepër hollësi, vizitoni faqen e asistencës.
-
A mund të ruajë shtojca Kopjeruajtje Jetpack kartela në Google Drive apo Dropbox?
-
Kopjeruajtje Jetpack VaultPress s’mbulon ruajtje kartelash drejt e në Google Drive apo Dropbox. Ne japin depozitim falas në shërbyesit tanë, të ruajtur në mënyrë redundante në vendndodhje të shumta anembanë globit. Nëse doni të mbani një kopje, mund të shkarkoni kopjeruajtjen tuaj dhe ta ngarkoni te një sajt palë e tretë.
-
A mund t’i shkarkoj kopjeruajtjet e mia?
-
Po. Që të shkarkoni kopjeruajtjen tuaj, hapni regjistrin tuaj të veprimtarisë. Përdorni filtrat që të gjeni veprimtarinë, ose kopjeruajtjen që do të donit të përdorni, mandej klikoni mbi Veprime, dhe zgjidhni Shkarko kopjeruajtje. Për më tepër hollësi, vizitoni faqen e asistencës.
-
A mbulon instalime WordPress shumësajtësh Kopjeruajtja Jetpack VaultPress?
-
Jo, Kopjeruajtje Jetpack VaultPress aktualisht nuk mbulon instalime WordPress shumësajtëshe.
-
Does Jetpack VaultPress Backup support split site or split home URLs?
-
No, Jetpack VaultPress Backup does not currently support split site or split home URLs.
-
Ju duhet ndihmë?
Shqyrtime
Kontribues & Zhvillues
“Kopjeruajtje VaultPress Jetpack” është software me burim të hapur. Në këtë shtojcë kanë dhënë ndihmesë personat vijues.
Kontribues
“Kopjeruajtje VaultPress Jetpack” është përkthyer në 25 gjuhë. Faleminderit përkthyesve për ndihmesën e tyre.
Përkthejeni “Kopjeruajtje VaultPress Jetpack” në gjuhën tuaj.
Ju intereson zhvillimi?
Shfletoni kodin, shkarkoni depon SVN, ose pajtohuni përmes RSS-je te regjistri i zhvillimeve.
Regjistër ndryshimesh
3.1 – 2025-01-10
Changed
- Zgjidhje e një problemi prej të cilit licenca të shfuqizuara trajtoheshin gabimisht si të pabashkëngjitura. Kjo bënte që përdoruesit të ridrejtoheshin te faqja e aktivizimit të licencave, pas lidhjes së sajtit, edhe kur licenca të pabashkëngjitura s’qenë të vlefshme për aktivizim.
- Shoqërorë: U ndryshua CTA për “Jetpack-u Im” për Shoqërorë, nga “Mësoni më tepër” në “Aktivizoje”
- Përditësim fotosh ekrani nga shtojca e kopjeruajtjeve
- U përditësuan varësi.
- U përditësuan varësi paketash.