Përshkrim

Tregoni përshtypjet e klientëve mbi shërbimet tuaja që të duken më me interes për perspektivën. Kjo shtojcë e lehtë për t’u përdorur do t’ju lejojë të shtoni përmes kodesh të shkurtër përshtypje te cilido postim apo faqe e sajtit tuaj.

Me Cherry Testimonials, mund të provoni që përshtypjet në sajtin tuaj nuk janë të sajuara dhe se janë shkruar nga njerëz realë. Përtej vetë përshtypjeve, është e mundur të shfaqen mjaft hollësi rreth autorit të saj. Këtu përfshihen emri i tij, fotoja, email-i, shoqëria për të cilën punon, posti i tij në të, dhe lidhja për te sajti i asaj kompanie apo blogu i tij personal.

Kini parasysh që mund të fshihni email-in, postin, emrin e shoqërisë, dhe foton, nëse një klient nuk dëshiron që të shfaqni cilëndo prej këtyre të dhënave.

Kjo shtojcë WordPress ju jep liri të përshtatni përshtypjet si të doni. Mundësitë e pasura të saj për formësime ju lejojnë të kryeni veprimet vijuese:

• zgjidhni lloj skeme (listë ose rrëshqitje);
• caktoni numër përshtypjesh për shfaqje;
• përcaktoni titullin dhe nëntitullin e përshtypjes;
• shtoni një ndarës mes titullit dhe përshtypjes;
• caktoni gjatësi përshtypjeje (në fjalë);
• caktoni gjerësinë për foton e autorit, në piksel;
• renditini përshtypjet sipas një atributi të dhënë;
• përcaktoni kategorinë prej së cilës të shfaqen përshtypje;
• shfaqni përshtypje me ID të caktuara.

Nëse si lloj skeme për shfaqjen e përshtypjeve zgjidhni një rrëshqitës, mund ta formësoni në shumë mënyrë. Ja se ç’mund të bëni:

• caktoni kohën mes tranzicionesh të diapozitivave;
• aktivizoni qerthull rrëshqitjesh
• caktoni një efekt tranzicioni;
• shfaqni butona faqosjeje dhe lëvizjeje;
• caktoni numër diapozitivash për shfaqje;
• caktoni strukturën e paraqitjes së përshtypjeve duke përdoru një gjedhe me makro.

Provojeni Cherry Testimonials nëse doni të shtoni dhe administroni lehtësish përshtypjet e klientëve.

Dokumentim

Kod i shkurtër

• type Lloj skeme (listë, rrëshqitje)
• sup_title përcaktoni supertitull
• title Përcaktoni titullin
• sub_title Përcaktoni nëntitullin
• divider Shfaqni/fshihni ndarësin mes titujsh dhe përshtypesh
• limit Numër përshtypjesh (limit=”-1″ – shfaqi të tëra)
• orderby Renditini përshtypjet sipas një atributi të dhënë
• order renditini përshtypjet
• category Përcaktoni kategorinë prej së cilës do të shfaqen përshtypjet
• ids Shfaqni përshtypje me ID të caktuar (p.sh. ids=”1721,1723″)
• show_avatar Shfaqni/fshihni avatar autori
• size Gjerësi fotoje/avatari (në px)
• content_length Gjatësi lënde (në fjalë)
• show_email Shfaqni/fshihni email-in e autorit
• show_position Shfaqni/fshihni postin e autorit të përshtypjes
• show_company Shfaqni/fshihni emrin e shoqërisë
• template Gjedhe me makro, që përcakton strukturën e shfaqjes së përshtypjeve
• custom_class CSS-class Vetjake

Për rrëshqitësin vlejnë vetëm atributet vijues (type=”slider”):

• autoplay Kohë nga një diapozitiv në një tjetër (ms)
• effect “slide” ose “coverflow”
• loop Aktivizoni/çaktivizoni “qerthull” rrëshqitjesh
• pagination Shfaqni/fshihni faqosje
• navigation Shfaqni/fshihni butona prev/next
• slides_per_view Numër diapozitivash për shfaqje
• space_between Ppadding mes diapozitivash (px)

Që të përdoret rrëshqitësi, përdorni programthin Swiper
Vlerat parazgjedhje të programthit mund të ndryshohen me ndihmën e filtrit tm_testimonials_slider_data_atts.

Gjedhe

• /templates/ — nëndrejtori me gjedhe për faqe (njëshe, arkiv)
• /templates/shortcodes/testimonials/ — nëndrejtori me kartela *.tmpl

Nëse ju duhet të ndryshoni lëndën e gjedhes, lypset ta rishkruani te tema, duke ruajtur strukturën e dosjes. Për shembull:

• wp-content/themes/twentysixteen/templates/
• wp-content/themes/twentysixteen/templates/shortcodes/testimonials/