Ftesë për në kanalin Slack për shqipen në WordPress (për WordPress-in vetë, shtojcat dhe temat për të)

Tungjatjeta,

Dëshiroj t’ju ftoj te kanali https://sqwp.slack.com/ që të mund të diskutojmë dhe bashkëpunojmë lidhur me përkthimet që keni bërë, ose jeni përpjekur të bëni, te pjesë të ndryshme të projektit Wordpress. Kërkoj ndjesë që nuk po dërgoj ftesë personale për secilin. Kjo është e pamundur për shumicën tuaj, pasi nuk kam mundësi të gjej email-in tuaj – https://translate.wordpress.org/ nuk tregon adresa email për përdoruesit e tij – ndaj po përdor funksionin @mention të ofruar së fundi për sajtet vendorë në https://translate.wordpress.org/, me shpresë se do të funksionojë për emrat tuaj. Nëse mendoni se përveç të poshtëshënuarve duhen ftuar persona të tjerë të interesuar,mos ngurroni t’ua bëni të ditur që ftesa e këtushme është edhe për ta.

Listën vijuese e formulova sipas të dhënave që munda të grumbulloj në https://translate.wordpress.org/ mbi kontribues të shqipes:

@albpower, @FunkyCreep, @atdheu, @diskmanti, @fidof1, @fredonjo, @Getoar, @invaveliu, @khena25, @kycykubledi, @officialtheme, @qendresaharaqia, @sajdoko @emilushi

Për gjithçka, hiq temën e postimit, le të bisedojmë te kanali. Ju lutem, komentet kundrejt këtij postimi përdorini vetëm për temën përkatëse, fjala vjen regjistrimin në Slack, ftesë (në u dashtë) për te kanali i shqipes, e të tjera të kësaj natyre.

Faleminderit paraprakisht,

Besnik

Mirë se vini te O2-shi i Ekipit Tuaj!

Si të përdoret O2-shi

O2-shi është ndërthurje  e një teme me një shtojcë, që lejon bashkëpunim më të lehtë. Ja pak veçori që do të jenë të dobishme për bashkërendimin e veprimtarive të ekipit tuaj:

  1. @mentions: Përmendni këdo në rrjetin WordPress.org duke vendosur një @ para emrit të përdoruesit. Anëtarët e sajteve tuaj lokalë (përfshi sajtin tuaj bazë, forumet tuaj, dhe O2-shin) shtohen vetvetiu për vetëplotësim.
  2. Etiketa: Etiketat mund të shtohen lehtësisht drejt e brenda postimeve dhe komenteve. Për shembull, etiketa #mirëseardhët e etiketon këtë postim me “mirëseardhët.” Klikoni mbi një etiketë që të shihni krejt postimet e etiketuara me të.
  3. Postime në disa vende njëherësh: Postojeni edhe të një tjetër sajt O2 brenda WordPress.org duke përdorur simbolin +. Mund ta postoni njëherësh në cilindo sajt që përdor O2.

#welcome