CartBounty – Ruani dhe riktheni shporta të braktisura për WooCommerce

Përshkrim

CartBounty – Shtojca “Ruani dhe rimerrni shporta të braktisura” për WooCommerce e ruan krejt veprimtarinë te formulari i përfundimit të blerjes WooCommerce*. Shtojca lejon të shihet se cilët braktisin shporta blerjesh te ju dhe të lidheni me ta.

Do të merrni njoftime të rregullta me email rreth braktisjesh të reja shportash blerjeje dhe do të jeni në gjendje t’ua kujtoni këto shporta ose dorazi, ose duke përdorur shërbyesin parazgjedhje WordPress për email-e, që të dërgoni email-e të automatizuar rikthimesh shportash të braktisura.

Nëse do të donit t’u dërgoni klientëve email-e rikthimi shportash të braktisura përmes ActiveCampaign*, GetResponse* apo MailChimp*, ju lutemi, vizitoni faqen e shtojcës tonë CartBounty Pro – Ruani dhe riktheni shporta të braktisura për WooCommerce.

Baza dhe veçori të shtojcës:

  • Ruani menjëherë të dhëna fushash kase për WooCommerce, para parashtrimit, për të ruajtur shportat e braktisura.

  • Ruani dhe shihni shporta blerje fantazmë.

  • Dërgoni email-e për t’u kujtuar shporta të braktisura, përmes WordPress-i, ose përmirësojeni me Pro dhe dërgoni seri email-esh të automatizuar rikthimi, integrojeni me ActiveCampaign, GetResponse apo MailChimp dhe përfshini kode kuponësh unikë në emaile-t tuaj, për të rritur shkallën e rimarrjes së shportave dhe shitjet.

  • Merrni njoftime me email për shportat e braktisura rishtazi. Mund të caktoni shpeshtinë e njoftimeve, ose t’i çaktivizoni, në rast se doni të pushoni për pak kohë 🙂

  • Mundësia “Mba mend fusha përfundimi blerjeje” do t’u lejojë klientëve tuaj të rifreskojnë faqen e përfundimit të blerjes, pasi të kenë dhënë të dhënat e tyre dhe të ikin prej faqes pa humbur të dhëna të futura më parë te formulari i përfundimit të blerjes. Ju lutemi, vini re se kjo veçori është e aktivizuar vetëm për përdorues që s’kanë bërë hyrjen në llogarinë e tyre – Për përdoruesit e autorizuar, për këtë kujdeset WooCommerce.

  • Nëse një përdorues ka bërë hyrjen në llogarinë e vet, shporta e blerjes do të kapet sapo në të të shtohet një artikull. Pas kësaj, shporta do të përditësohet menjëherë, nëse ndryshohen gjëra në të, ose nëse hiqet prej shportës një artikull.

  • Mund të aktivizoni flluskën Synim Daljeje, për t’u ofruar përdoruesve të paregjistruar ruajtje të shportës së blerjeve për më vonë. Me ndihmën e teknikës Synim Daljeje, mund të kapni më tepër shporta të braktisura, duke shfaqur një flluskë që ofron ruajtjen e shportës së klientit, nëse ai jep email-in e tij.
    Synim Daljeje do të vihet në punë sapo përdoruesi provon të braktisë shitoren tuaj me një shportë blerjeje me artikuj brenda. Nëse do të donit ta bëni të punojë në pajisje celulare, ju lutemi, përmirësojeni me versionin tonë Pro.
    Ju lutemi, kini parasysh se flluska Synim Daljeje do t’u shfaqet vetëm përdoruesve të paregjistruar, një herë çdo 60 minuta, pasi të kenë shtuar një artikull në shportën e blerjes.
    Nëse jeni i interesuar për veçorinë Marrje e hershme email-i, e cila do t’ju lejojë të merrni email-in ose telefonin e klientit fill pasi ky provon të shtojë një artikull te shporta duke përdorur butonin “Shtoje në shportë”, ju lutemi, hidhini një sy versionit tonë Pro.

  • Nëse përdoruesi plotëson pagesën dhe mbërrin te faqja “Faleminderit” e WooCommerce-it, ai hiqet nga tabela e shportave të braktisura dhe fushat e formularit të Kasës do të spastrohen. Në rast se përdoruesi rikthehet te shporta e tij e braktisur përmes email-i për shportë të braktisur dhe bën një porosi, shportës do t’i vihet shenjë si “e rikthyer” dhe do të mbetet te lista e shportave. Nëse do të donit të dërgoni email-e të automatizuar rikthimi shportash të braktisura te porosi që nuk janë paguar (porosi me gjendjen “Në pritje të pagesës”, “Pezull”, “E anuluar”, ju lutemi, shihni mundësinë e përditësimit me versionin Pro.

  • Ngaqë duam t’i bëjmë gjërat të funksionojnë rrjedhshëm, në rast se e Çinstaloni këtë shtojcë, ajo do të pastrojë automatikisht vendin e vetes (fshin të dhëna shportash të braktisura, tabelën dhe mundësitë e krijuara nga kjo shtojcë), duke e lënë projektin tuaj të pastër.

*Ju lutemi, vini re se kjo lidhje është krijuar nën një program partneriteti marketingu i cili na ndihmon të mbështesim dhe investojmë në evolucionin e kësaj shtojce në të ardhmen, teksa marrim një përqindje të vogël të fitimeve për çdo klient të ri të ActiveCampaign-it ose GetResponse-it.

Foto ekrani

  • Vendndodhje e CartBounty-it pas aktivizimit
  • Rikthim i automatizuar shportash të braktisura, duke përdorur kujtues me email-e WordPress-i
  • Rregullime email-esh WordPress rikthimesh
  • Paraparje email-i WordPress rikthimesh
  • Skedë rregullimesh flluske Synim Daljeje
  • Skedë rregullimesh të përgjithshme
  • Si duket flluska Synim Daljeje, pasi përdoruesi provon të braktisë shitoren

Instalim

  1. Ngarkojini kartelat e shtojcës te dosja ‘/wp-content/plugins/plugin-name’, ose instalojeni shtojcën drejt e përmes skenës së shtojcave te WordPress-i.
  2. Aktivizojeni shtojcën përmes menusë “Shtojca” te WordPress-i.
  3. Shihni për faqen “Shporta të braktisura CartBounty”, nën menunë “WooCommerce” – Të dhënat e shportave të braktisura të WooCommerce-it, të grumbulluara formulari juaj Kasa, do të ruhen këtu, veç nëse përdoruesi e plotëson procesin e përfundimit të blerjes.
  4. Në daçi, ujdisni emaile-e të automatizuar rikthimesh shportash të braktisura përmes rregullimeve WordPress të rikthimeve.
  5. Aktivizoni, në daçi, Mjete shtesë funksionimi, bie fjala, Synim Daljeje, çka do t’u lejojë të rritni shkallën e shportave të braktisura të rikthyeshme.

PBR

Kur ruhet shporta dhe të dhënat e formularit të plotësimit të blerjes?

Të dhëna dhe informacion rreth shportës ruhen menjëherë pasi përdoruesi arrin te formulari Kasa dhe do të ndodhë një nga sa vijon:

  • Jepet adresë email e saktë
  • Jepet numër telefoni
  • Gjatë ngarkimit të faqes Kasa, nëse fushat për dhënie email-i ose numri telefoni janë plotësuar tashmë
  • Çdo fushë dhëniesh te formulari Kasa, me një klasë “input-text” jepet ose ndryshohet, nëse jepet një Email ose një Numër telefoni i vlefshëm

Nëse janë aktivizuar shportat fantazmë, shporta do të ruhet sapo përdoruesi të shtojë një artikull në shportën e vet. Do të mbesë një shportë fantazmë, derisa të ndodhë një nga aktet e përshkruar më sipër.

Nëse një përdorues ka bërë hyrjen në llogarinë e tij, shporta e blerjeve do të kapet menjëherë, sapo në të të shtohet një artikull. Pas kësaj, shporta do të përditësohet menjëherë, nëse ndryshohet, ose nëse prej saj hiqet një artikull.

Nëse një klient përfundon procesin e pagesës dhe mbërrin te faqja “Faleminderit” e WooCommerce-it, shporta hiqet nga tabela e shportave të braktisura dhe fushat e formularit Përfundim Blerjeje spastrohen.

Kur do të konsiderohet si e braktisur një shportë?

Pasi shporta të jetë ruajtur, konsiderohet si e braktisur, pas një periudhe 60 minutash. Njoftimet email do të dërgohen vetëm pasi shporta të jetë braktisur.

Si të dërgohen email-e të automatizuar rimarrjeje shportash?

Versioni falas i CartBounty-it ofron zgjidhje elementare për dërgim email-esh rikthimi shportash të braktisura duke përdorur për email-et shërbyesin parazgjedhje të WordPress-it. Kjo mundësi rikthimi funksionon më mirë nëse keni një numër shportash të braktisura nga pak deri te mesatarisht.

Nëse email-et tuaj nuk mbërrijnë te marrësit, ose përfundojnë te kutia e të padëshiruarve, mund të provoni të kaloni nga shërbyesi juaj parazgjedhje WordPress i postës në një SMTP. Për të bërë këtë, thjesht instaloni një nga shtojcat e gatshme WordPress për SMTP, që nga lista e shtojcave WordPress.

Nëse dëshironi t’u dërgoni vizitorëve tuaj email-e të automatizuar për rikthim shportash të braktisura përmes ActiveCampaign-i, GetResponse-i ose MailChimp-i, ju lutemi, shihni mundësinë e përkrahjes së përpjekjeve tona dhe blerjen e versionit tonë Pro.

ActiveCampaign* ofron rrugë të jashtëzakonshme për të automatizuar shportat tuaja të braktisura duke përdorur pohime If/Else për të krijuar veprime dhe mekanizma të ndryshme për kur të dërgohen email-e.
GetResponse* është një platformë marketingu me email e konceptuar hijshëm, për të ruajtur dhe rikthyer online shporta të braktisura blerjesh.
Dhe MailChimp-i* ofron një plan përgjithmonë Falas, që mund ta përdorni për të dërguar email-e rikthimesh shportash të braktisura.

Nëse do të donit të aktivizoni veçori shtesë WordPress për rikthime dhe të shtoni mbulim për shumë gjuhë, ju lutemi, shihni mundësinë e përmirësimit me versionin Pro.

A mund të dërgoj kode kuponësh unikë?

Nëse do të donit të shtoni te email-et tuaj për rimarrje shportash të braktisura kode të prodhuar kuponësh, ju lutemi, shihni mundësinë e përmirësimit me CartBounty Pro – Ruani dhe rimerrni shporta të braktisura për WooCommerce, e cila ju lejon të përfshini me lehtësi te emaile-t për t’u kujtuar shporta të braktisura si kode kuponësh statikë, ashtu edhe të tillë të krijuar për një përdorim, për të shtuar shanset e rimarrjes së shportave të braktisura.

Ç’janë shportat fantazmë, si funksionojnë dhe si të përdoren?

Shporta fantazmë është një shportë e cila s’mund të identifikohet, ngaqë klienti ose nuk bëri hyrjen në llogarinë e tij në shitore, ose s’ka dhënë email-in/telefonin e vet te formulari juaj i përfundimit të blerjes apo te një flluskë Synimi Daljeje.

Cilido klient që është i paidentifikueshëm dhe shton diçka te shporta e vet e blerjeve, shfaqet menjëherë te listë shportash si shportë blerjesh fantazmë. Nëse gjatë xhiros nëpër shitore ai shton hollësi për veten, shporta e tij fantazmë shndërrohet automatikisht në një shportë që mund të rikthehet.

Mund të ketë arsye të ndryshme pse do të donit të shihni të dhëna shportash fantazmë, ja një a dy ide:

  • Mbikëqyrni drejtpërsëdrejti veprimtari shportash në shitoren tuaj dhe përfitoni një ide më të mirë se ç’ndodh në të
  • Shihni cilat produkte janë vendosur në shporta blerjesh, që të dini cilat produkte kanë sy dhe rreth cilave interesohen klientët tuaj
  • Analizoni dorazi cilët produkte vendosen në shportë, por nuk blihen
  • Njohuri rreth të ardhurash potenciale që janë humbur

Nëse s’shihni shporta fantazmë, mund t’i përjashtoni ato prej ruajtjes te skeda e rregullimeve tuaja për CartBounty.

Si funksionojnë njoftimet me email?

Sapo shporta të ruhet dhe të konsiderohet si e braktisur, do të merrni për të një njoftim në email-in tuaj. Nuk do të njoftoheni për shportat e braktisura më parë.

Mund të caktoni intervalet vijues për njoftimet:

  • Çdo 10 minuta
  • Çdo 20 minuta
  • Çdo 30 minuta
  • Çdo orë
  • Çdo 2 orë
  • Çdo 3 orë
  • Çdo 4 orë
  • Çdo 5 orë
  • Çdo 6 orë
  • Dy herë në ditë
  • Një herë në ditë
  • Një herë në 2 ditë
  • Çaktivizoni njoftimet

Intervali parazgjedhje për njoftimet është “Çdo orë”. Keni gjithashtu mundësinë të çaktivizoni njoftimet, në rast se vjen dita dhe lodheni prej tyre 😉

Ju lutemi, vini re gjithashtu se si trajton WordPress-i aktin Cron që është përgjegjës për dërgimin e njoftimeve me email. Veprimet e planifikuara mund të nxiten vetëm kur një vizitor mbërrin në një sajt WordPress. Prandaj, nëse s’po keni keni trafik në sajtin tuaj, s’do të merrni ndonjë njoftim me email, para se një vizitor të mbërrijë në sajtin tuaj.

Si parazgjedhje, njoftimet do të dërgohen te email-i i regjistruar për përgjegjësin e WordPress-it. Por mundeni edhe të caktoni tjetër adresë email për dërgimet.

Si funksionon teknikisht Synimi i Daljes?

Nëse një përdorues përpiqet të largohet nga shitorja juaj me një shportë të braktisur, pak para se të largohet, atij do t’i paraqitet një formular shtesë që do të kërkojë adresën e tij email. Sapo të jepet kjo (s’ka nevojë të parashtrohet formulari), shporta e përdoruesit do të kapet automatikisht dhe do t’i vihet shenjë si e rikthyeshme.

Fomulari Synim Daljeje do t’u shfaqet vetëm përdoruesve të paregjistruar, një herë në orë. Nëse përdoruesi jep adresën e tij email, ose te formulari Synim Daljeje, ose te formular Kase – pas daljes nga shitorja juaj flluska s’do të shfaqet më.

Nëse do të donit të provonit si duket Synimi i Daljes, ju lutemi, i vini shenjë kutizës “Aktivizo Mënyrën Provë”. Ju lutemi, kini parasysh se gjatë këtij hapi Synimin e Daljes do ta shohin vetëm përdorues me të drejta Përgjegjësi dhe se kufizimet mbi pamjen do të hiqen. Kjo do të thotë se do të shfaqet te zona e Përgjegjësit sa herë që ky provon të braktisë shitoren.

Në rast se do të donit të aktivizoni Teknologjinë e Dallimit të Daljes në telefonat celularë dhe tabletët, ju lutemi, përmirësojeni me CartBounty Pro – Ruani dhe riktheni shporta të braktisura për WooCommerce. Dallimi i Daljes për celularët do të aktivizohet në celular sapo në faqe rrëshqitet me shpejtësi për lart ose nëse përdoret butoni “Mbrapsht”.

Si të përdoren kartela gjedhesh për përshtatje të Mëtejshme?

Pjesët publike të shtojcës mund të stilizohen shpejt dhe kollaj, duke përdorur rregullimet e shtojcës. Por, nëse po kërkoni për përshtatje të mëtejshme të pamjes, mund të përdorni kartela gjedhe që vijnë tok me CartBounty-n, ose t’u hidhni një sy veprimeve dhe filtrave.

Krejt kartelat e gjedheve mund t’i gjeni brenda “/plugins/woo-save-abandoned-carts/templates”. Kartelat gjedhe përmbajnë elementë të domosdoshëm për shfaqje të dhënash. Ju lutemi, kopjojeni këtë gjedhe te tema juaj aktive , që të mbahen të paprekura ndryshimet tuaja, pas përditësimesh të shtojcës.

Kartela gjedhe mund të kopjoni në një nga këto vende:

  • temajuaj/templates/emails/cartbounty-email-light.php
  • yourtheme/templates/cartbounty-exit-intent.php
  • yourtheme/cartbounty-exit-intent.php

Kur ndryshoni gjedhen tonë, ju lutemi, mos ndryshoni ID-në #cartbounty-exit-intent-email e fushës së dhënies së email-eve. Në u ndryshoftë, shtojca s’do të jetë në gjendje të kapë shporta të braktisura duke përdorur formularin Synim Daljeje.

Ç’hook-e ka të gatshëm për përshtatje të mëtejshme?

CartBounty vjen me hook-ë të ndryshëm që bëjnë të mundur të ndryshohen disa pjesë ose të zgjerohen funksione ekzistuese të shtojcës, pa ndryshuar kartelat bazë.

Hook-e të përgjithshëm

Filtra:

  • cartbounty_from_email
  • cartbounty_waiting_time
  • cartbounty_include_tax
  • cartbounty_price_format
  • cartbounty_display_currency_code

Ja një shembull si të ndryshohet email-i Nga që dërgon njoftime me email duke përdorur filtrin “cartbounty_from_email”. Ju lutemi, shtojeni te kartela functions.php e temës tuaj:

function change_from_email( $html ){
    return 'your@email.com';
}
add_filter( 'cartbounty_from_email', 'change_from_email' );

Shembull si të përshtatet koha parazgjedhje e pritjes, pas së cilës shporta konsiderohet e braktisur, duke përdorur filtrin “cartbounty_waiting_time” prej 60 minutash (koha parazgjedhje) në 30 minuta. Shtojeni te kartela functions.php e temës tuaj:

function change_waiting_time( $minutes ){
    return 30; //Minimum allowed time is 20 minutes
}
add_filter( 'cartbounty_waiting_time', 'change_waiting_time' );

Shembull se si të shfaqni çmime produktesh shporte të braktisur, pa përfshirë taksa:

add_filter( 'cartbounty_include_tax', '__return_false' );

Hook-e Synimi Daljeje

Gjedhja Synim Daljeje përmban veprime dhe filtra të ndryshëm që ju lejojnë të krijoni të ri, të përpunoni, të zëvendësoni ose hiqni lëndë ekzistuese, përfshi figurën kryesore te dritarja Synim Daljeje.

Veprime:

  • cartbounty_exit_intent_start
  • cartbounty_exit_intent_after_title
  • cartbounty_exit_intent_before_form_fields
  • cartbounty_exit_intent_end

Filtra:

  • cartbounty_exit_intent_close_html
  • cartbounty_exit_intent_image_html
  • cartbounty_exit_intent_title_html
  • cartbounty_exit_intent_description_html
  • cartbounty_exit_intent_field_html
  • cartbounty_exit_intent_button_html

Ja një shembull se si të shtohen titrat shtesë pas titullit kryesor duke përdorur hook-un tonë të veprimeve “cartbounty_exit_intent_after_title”. Ju lutemi, shtojeni te kartela functions.php e temës tuaj:

function add_extra_html_after_title() {
    echo "<p>Additional subtitle here...</p>";
}
add_action('cartbounty_exit_intent_after_title', 'add_extra_html_after_title' );

Shembull si të ndryshohet figura kryesore duke përdorur një filtër:

function modify_image( $html ){
    return '<img src="http://www.link-to-your-custom-image-here..."/>';
}
add_filter( 'cartbounty_exit_intent_image_html', 'modify_image' );

Shembull si të ndryshohet titulli kryesor duke përdorur një filtër:

function modify_title( $html ) {
    $custom_title = 'Your text here...';
    return preg_replace('#(<h2[^>]*>).*?(</h2>)#', "$1 $custom_title $2", $html);
}
add_filter( 'cartbounty_exit_intent_title_html', 'modify_title' );

Shembull si të ndryshoni përshkrimin duke përdorur një filtër:

function modify_description( $html ){
    $custom_description = 'New description here...';
    return preg_replace('#(<p[^>]*>).*?(</p>)#', "$1 $custom_description $2", $html);
}
add_filter( 'cartbounty_exit_intent_description_html', 'modify_description' );

Hook-e email-esh WordPress

Gjedhja WordPress për kujtues shportash të braktisura përdor veprime dhe filtra të shumtë që mund të shfrytëzohen për të ndryshuar lëndën dhe pamjen e email-eve.

Veprime:

  • cartbounty_automation_before_title
  • cartbounty_automation_after_title
  • cartbounty_automation_after_intro
  • cartbounty_automation_after_button
  • cartbounty_automation_footer_start
  • cartbounty_automation_footer_end

Filtra:

  • cartbounty_automation_title_html
  • cartbounty_automation_intro_html
  • cartbounty_automation_button_html
  • cartbounty_automation_copyright
  • cartbounty_automation_footer_address_1
  • cartbounty_automation_footer_address_2
  • cartbounty_automation_unsubscribe_html

Shembull, si të shtohet lëndë shtesë mu para titullit kryesor te email-i WordPress kujtues për rikthim:

function cartbounty_automation_add_extra_title(){
    esc_html_e( 'Additional content before main title', 'woo-save-abandoned-carts' );
}
add_action( 'cartbounty_automation_before_title', 'cartbounty_automation_add_extra_title' );

Shembull si të ndryshohet titulli kryesor duke përdorur një filtër:

function cartbounty_alter_automation_title( $title ){
    return '<h1 style="font-size: 60px; padding-bottom: 30px;">'. __('My new title', 'woo-save-abandoned-carts') .'</h1>';
}
add_filter( 'cartbounty_automation_title_html', 'cartbounty_alter_automation_title' );

Shembull si të zëvendësohet emri ekzistues i butoni nga “Përfundoni blerjen” në “Kthehuni te shporta”:

function cartbounty_alter_automation_button( $button ){
    return str_replace( 'Complete checkout', __('Return to cart', 'woo-save-abandoned-carts') , $button);
}
add_filter( 'cartbounty_automation_button_html', 'cartbounty_alter_automation_button' );

Si të ndryshohet adresa parazgjedhje në fundfaqe. Si parazgjedhje, merret nga adresa e shitores WooCommerce që keni dhënë, por mund ta ndryshoni duke përdorur një filtër:

function cartbounty_alter_automation_footer_address_1( $address ){
    esc_html_e('First address line...', 'woo-save-abandoned-carts');
}
add_filter( 'cartbounty_automation_footer_address_1', 'cartbounty_alter_automation_footer_address_1' );

function cartbounty_alter_automation_footer_address_2( $address ){
    esc_html_e('Second address line...', 'woo-save-abandoned-carts');
}
add_filter( 'cartbounty_automation_footer_address_2', 'cartbounty_alter_automation_footer_address_2' );

Si t’u pengohet robotëve të lënë shporta të braktisura?

Nëse keni vënë re sasi të pazakonta shportash të reja fantazmë, të lëna thuajse në të njëjtën kohë, nga një vend dhe që përmbajnë një produkt të vetëm, mund të bëhet fjalë për të lëna nga robotë që vizitojnë shitoren tuaj.

Robotët mund të ndahen në dy grupe – të mirë dhe të liq.

  • Robotë të mirë. Shembulli më i rëndomtë i një roboti të mirë do të ishte një indeksues web. Bëhet fjalë për një lloj robotësh që dërgohet përmes një motori kërkimesh, bie fjala, Google, për të indeksuar shitoren tuaj. Të zotët e shitoreve internetore i mirëpresin këta robotë, ngaqë kjo e mban lëndën dhe produktet e tyre të dukshme në përfundime kërkimesh dhe, me shpresë, do të tërheqë vizitorë të rinj
  • Robotë të dëmshëm. Këta robotë e vizitojnë shitoren tuaj për qëllime të liga. Veprimet e tyre shtrihen nga pakëz të dëmshme deri te potencialisht kritike. Robotë të liq kontrollojnë shitoren tuaj për pika të dobëta, të çara sigurie, rrugë për të shtënë në dorë shitoren tuaj, për vjedhje të të dhënave të kartave të kreditit të vizitorëve tuaj, etj. Veç kësaj, shtojnë ngarkesën në shërbyesin tuaj, duke ngadalësuar kështu shitoren tuaj

Robotët e dëmshëm janë ata që duhet të jenë përgjegjës për lënie shportash të reja fantazmë në sajtin tuaj. Edhe pse kjo s’është e rrezikshme, mund të jetë bezdisëse. Ja tre zgjidhje që do t’ju ndihmojnë të merreni me to:

  1. Zgjidhja e shpejtë është thjesht të çaktivizohet ruajtja e shportave fantazmë nga CartBounty.Këtë mund ta bëni te skeda e Rregullimeve të CartBounty-it. Pavarësisht se është e lehtë, kjo zgjidhje merret vetëm me pasojat dhe nuk i pengon robotët e dëmshëm të vizitojnë shitoren tuaj, duke kërkuar vazhdimisht për pika të dobëta dhe duke ngadalësuar shitoren tuaj
  2. Një zgjidhje më e mirë do të ishte të instalohej një shtojcë WordPress që ndihmon të pengohen robotë të vizitojnë shitoren tuaj. Mund të provoni një dorë shtojcash të ndryshme, por mund kjo mund të jetë një pikënisje e mirë: Blackhole for Bad Bots. Në këtë mënyrë do t’u bllokoni robotëve të dëmshëm të vijnë vërdallë në shitoren tuaj dhe do t’i mbani shportat fantazmë të aktivizuara, për të parë se çfarë po blejnë klientët tuaj
  3. Nëse s’do të donit të instaloni një shtojcë të re dhe të paguani një zhvillues që është në gjendje t’ju ndihmojë, mund të provoni këtë zgjidhje. Së pari, do t’ju duhet të gjeni regjistra hyrjesh të shërbyesit tuaj dhe të gjeni cilat zëra u përkasin robotëve. Pas kësaj, mund të përdorni kartelën tuaj .htaccess për t;u bllokuar këtyre robotëve vizita të ardhshme. Ja një artikull i mirë mbi si të bllokohen robotë të këqij, që do t’ju japë më tepër njohuri rreth kësaj teme

Përmbi këto, versioni Pro ju lejon të përzgjidhni nëse duhet të jenë në gjendje të lënë shporta fantazmë mysafirë prej vendesh të caktuara, duke siguruar kështu që robotë prej vendesh ku nuk shitni të mos jenë në gjendje të lënë shporta fantazmë.

Porosia WooCommerce “Dështoi”, por pa ruajtje shporte të braktisur?

Sapo përdoruesi të arrijë faqen“ Faleminderit” të WooCommerce-it – shporta e braktisur hiqet automatikisht nga tabela, meqë shporta nuk konsiderohet më si e braktisur (pavarësisht gjendjes së porosisë). Në këtë rast, mund të shihni krejt të dhënat e parashtruara nga përdoruesi, te WooCommerce > Porosi.

Nëse doni të të dërgoni email-e të automatizuar rimarrjesh shportash të braktisura për porosi që nuk janë paguar (porosi me gjendjen “Në pritje të pagesës”, “Pezull”, “E anuluar”, ju lutemi, shihni mundësinë e përmirësimit me versionin Pro.

Shqyrtime

3 Tetor, 2021
Works as intended. I recommend the paid version for the additional features.
6 Shtator, 2021
This is a great plugin, even without the pro license it has a lot of interesting features! Will definitely buy the pro once i explore this a bit more. Thanks!
Lexojini krejt 54 shqyrtimet

Kontribues & Zhvillues

“CartBounty – Ruani dhe riktheni shporta të braktisura për WooCommerce” është software me burim të hapur. Në këtë shtojcë kanë dhënë ndihmesë personat vijues.

Kontribues

“CartBounty – Ruani dhe riktheni shporta të braktisura për WooCommerce” është përkthyer në 15 gjuhë. Faleminderit përkthyesve për ndihmesën e tyre.

Përkthejeni “CartBounty – Ruani dhe riktheni shporta të braktisura për WooCommerce” në gjuhën tuaj.

Ju intereson zhvillimi?

Shfletoni kodin, shkarkoni depon SVN, ose pajtohuni përmes RSS-je te regjistri i zhvillimeve.

Shënime ndryshimesh

7.0.8

  • Përmirësim i përgjithshëm i veprimeve dhe filtrave të shtojcës
  • U ndreq problem i shkaktuar nga filtri admin_body_class
  • Ndreqje e vockël për njoftime me email për përgjegjësin

Shihni regjistër ndryshimesh për krejt versionet.