Kufizim Përpjekjesh Hyrjeje

PBR

Pse të mos niset nga e para numërimi i përpjekjeve të dështuara, pas hyrjesh të suksesshme?

Kjo është në masë të madhe e konceptuar e tillë. Përndryshe, do të mundej të hapej me zor fjalëkalimi i “përgjegjësit”, duke hyrë si ju vetë pas çdo prove të 4-t.

Përse është kjo mundësia rreth sajtit dhe ndërmjetësit reverse?

Një ndërmjetës reverse është një shërbyes mes sajtit dhe Internetit (duke u marrë, ndoshta, me caching ose load-balancing). Kjo e bën marrjen e IP-së së saktë të klientit paksa më të ndërlikuar.

Si parazgjedhje, mundësisë i jepet vlera si JO pas një ndërmjetësi — çka duhet të jetë e rëndomta në pjesën dërrmuese të rasteve.

Nga ta di se sajti im gjendet pas një ndërmjetësi reverse?

Gjasat janë që s’jeni, ose ndryshe do ta dinit. Te faqja e mundësive, shfaqim një hamendësim goxha të mirë. Ujdiseni mundësinë duke përdorur këtë, veç në jeni të sigurt se e dini më mirë.

A mund ta kem IP-në time në listën e të lejuarave, që të mos lihem jashtë nga bllokim?

Së pari, mendohuni nëse ju duhet vërtet kjo. Përgjithësisht s’është ide e mirë të kihen përjashtime nga rregullat e sigurisë.

Tani që u tha kjo, ka tashmë një filtër që ju lejon ta bëni: “limit_login_whitelist_ip”.

Example:
function my_ip_whitelist($allow, $ip) {
return ($ip == ‘my-ip’) ? true : $allow;
}
add_filter(‘limit_login_whitelist_ip’, ‘my_ip_whitelist’, 10, 2);

Kini parasysh se ende bëjmë njoftime dhe regjistrime si zakonisht. Kjo është menduar t’ju lejojë të jeni në dijeni të çfarëdo veprimtarie të dyshimtë nga IP të lejuara.

Ngela jashtë sajtit, teksa provoja këtë gjënë, ç’të bëj?

Ose pritni, ose:

Nëse dini si të përpunoni / shtoni kartela PHP, mund të përdorni funksionin e lejimit të IP-ve, përshkruar më sipër. Mandej duhet të përdorni butonin “Rikthe Bllokime”, te faqja e rregullimeve të shtojcës dhe të hiqni sërish funksionin e lejimit.

Nëse keni hyrje ftp / ssh te sajti, riemërtojeni kartelën “wp-content/plugins/limit-login-attempts/limit-login-attempts.php”. që të çaktivizohet shtojca.

Nëse keni hyrje te baza e të dhënave (për shembull, përmes phpMyAdmin), mundeni të spastroni mundësinë limit_login_lockouts te tabela e mundësive të wordpress-it. Në një ujdisje parazgjedhje, do të bëhej kështu: “UPDATE wp_options SET option_value = ” WHERE option_name = ‘limit_login_lockouts’”