Përshkrim

Sjellë për herë të parë më 2013-n dhe përdorur nga mbi 60 milionë sajte, All-in-One WP Migration është një nga shtojcat më të besuara dhe më të përdorura për WordPress për lëvizje sajtesh me lehtësi absolute.

Krijuar enkas me përdoruesin jo teknik në mendje, All-in-One WP Migration vjen e ngarkuar me funksione miqësore ndaj rishtarësh që ju lejojnë të migroni sajtin tuaj WordPress me pak ose aspak dije apo përvojë teknike.

Gati të migroni sajtin tuaj? Është e shpejtë dhe e lehtë, si të numërosh 1, 2, 3:

1. Instaloni shtojcën All-in-One WP Migration.
2. Shtypni butonin e eksportimit që të paketohen baza juaj e të dhënave, kartelat media, shtojcat dhe temat në një kartelë të qëruar.
3. Shpaketojeni kartelën te vendndodhja e re, përmes një veçorie “merr dhe vër”, të lehtë për t’u përdorur, te pulti WordPress i sajtit tuaj të ri.

Ndiqni këto tre hapa të thjeshtë dhe sajti juaj do të jetë në punë në vendndodhjen e tij të re me stres minimal dhe zero kohë mosfunksionimi!

Një veçori që e bën gjerësisht të dashur All-in-One WP Migration (në shkallën e 6 mijë shqyrtimesh përdoruesi me vlerësim me 5 yje) është se domosdoshmëritë teknike për instalimin e shtojcës janë të thjeshta.

Nëse keni një version WordPress-i mes 3.3 dhe 5.8.1 dhe version PHP mes 5.2.17 dhe 8.0.10, jeni në rregull. All-in-One WP Migration mbulon gjithashtu krejt versionet e MySQL-së dhe MariaDB-së.

Veçori të Nxjerra Në Pah:

• Mbulon ngarkime vetjake, shtojca, dosje temash, etj.
• E gatshme në mbi 50 përkthime në gjuhë të ndryshme – përfshi japonisht.
• E përdorshme për individë me aftësi të kufizuara (E përputhshme me WCAG 2.1 AA Level)
• S’ka kufizime lidhur me strehë apo sisteme operativë.
• Mbulon një gamë të gjerë shërbimesh strehimi — për një listë të shërbimeve të mbuluara, klikoni këtu.
• Një listë e gjatë zgjerimesh me pagesë që ju japin fuqi të bëni më tepër gjëra.
• E përputhshme me pajisje celulare.
• Zëvendësim i automatizuar inteligjent dhe i pacen i URL-së së sajtit gjatë importimit.
• Asistencë e plotë produkti.
• Shfletoni kartelat WPRESS në internet me Traktor Web
• Përftoni kartelat WPRESS në kompjuterin tuaj me Traktor Desktop
• Dhe plot të tjera!

Ja arsye të tjera për të përdorur All-in-One WP Migration …

E besuar nga Qeveri dhe Korporata të Mëdha:

Mjaft klientë në shkallë ndërmarrjesh, ente qeveritare dhe universitete përdorin,
e duan dhe e besojnë All-in-One WP Migration. Ja ca prej tyre: Boeing, NASA, VW, IBM, Harvard University, Stanford University, Lego, P&G, Automattic, Shteti i Kalifornisë, Shteti i Havait.
Ky adoptim dhe përdorim i gjerë i All-in-One WP Migration tregon se sa e parrezik, e besueshme dhe e adaptueshme është shtojca për thuajse çfarëdo nevojash migrimi sajti.

Përputhshmëri e Plotë dhe Asistencë:

All-in-One WP Migration është testuar gjerësisht dhe provuar se është e përputhshme me shumicën e shtojcave dhe temave për WordPress.
Kjo do të thotë se nuk do t’ju dalin probleme përputhshmërish mes shtojcash, të cilat mund të ngadalësojnë, cenojnë ose nxjerrin jashtë funksionimi sajtin tuaj WordPress, kur instaloni dhe përdorni All-in-One WP Migration.
Në fakt, All-in-One WP Migration ka bashkëpunuar me shumë tregtues temash/shtojcash për të shpërndarë temat/shtojcat e tyre tok me ne, si një paketë e vetme, e lehtë për t’u instaluar dhe e lehtë për t’u përdorur.
Këta tregues na e besojnë neve dhe shtojcës tonë dhënien klientëve të tyre produkte, asistencë, migrime dhe kopjeruajtje të besueshme.

Mbulim Depozitimesh në Re:

All-in-One WP Migration mbulon dhe njëkohësohet pa ven me shërbimet kryesuese të depozitimit në re.
Shtojca vjen e instaluar paraprakisht në krejt sajtet Bitnami WordPress që xhirojnë në AWS, Google Compute Cloud dhe Microsoft Azure.

Lidhuni me ne

• Merrni ndihmë falas prej nesh këtu
• Njoftoni një të metë ose kërkoni një veçori
• Mësoni më tepër rreth nesh

Rregulla Privatësie

All-in-One WP Migration është konceptuar për të respektuar dhe mbrojtur plotësisht informacionin personal të përdoruesve të vet. Kërkohet pranimi nga ju për të grumbulluar adresën email të përdoruesit, kur plotësohet formulari i kontaktit të shtojcës.
All-in-One WP Migration është në pajtim të plotë me Rregulloren e Përgjithshme të Mbrojtjes së të Dhënave (GDPR).
Shihni Rregulla Privatësie tonat të përputhshme me GDPR-në këtu.