Title: Siguri
Author: WordPress.org
Published: 1 Dhjetor, 2025

---

# Siguri

Ne e marrim seriozisht sigurinë e projektit dhe ekosistemit WordPress. Me [mbi 20 vjet histori](https://wordpress.org/about/history/)
dhe duke mbajtur në këmbë më tepër se 43% të internetit, jemi të përkushtuar për
të garantuar sigurinë për këdo, nga blogues të thjeshtë e deri te ente në shkallë
ndërmarrjesh.

WordPress-i nxit dhënien e përgjegjshme të cenueshmërive të bazës së WordPress-it,
të shtojcave dhe temave në WordPress.org, ose në ekosistemin më të gjerë WordPress.

Nëse besoni se keni gjetur një cenueshmëri te një shtojcë a temë WordPress te WordPress.
org, ju lutemi, mbajeni të fshehtë dhe [raportojani Ekipit të Sigurisë WordPress](https://make.wordpress.org/core/handbook/testing/reporting-security-vulnerabilities/).

Nëse besoni se keni gjetur një cenueshmëri te një shtojcë a temë WordPress te WordPress.
org, ju lutemi, mbajeni të fshehtë.

 * Për cenueshmëri shtojcash, [njoftojuani ato zhvilluesit të shtojcës dhe ekipit të shtojcave](https://developer.wordpress.org/plugins/wordpress-org/plugin-security/reporting-plugin-security-issues/).
 * Për cenueshmëri temash, [njoftojuani ato zhvilluesit të temës dhe ekipit të shqyrtimit të temave](https://developer.wordpress.org/themes/theme-security/theme-security-issues/).

## Procesi ynë

Projekti WordPress i është përkushtuar dhënies së një platforme të qëndrueshme, 
të siguruar, të besuar për më tepër se 43% të internetit. [cikli i jetës për zhvillimin e software-it bazë WordPress](https://make.wordpress.org/core/handbook/contribute/codebase/)
përfshin shqyrtim kodi përmes përgjatë procesit, me kontribute me burim të hapët
të shqyrtuara nga zhvillues të besuar.

Ekipi i Sigurisë në WordPress punon për të gjetur dhe zgjidhur probleme në programin
bazë të WordPress-it, forcimit të tij kundër kërcënimesh të tilla si [OWASP Top Ten](https://owasp.org/www-project-top-ten/)
dhe [jep drejtimin](https://developer.wordpress.org/apis/security/) për ekosistemin.

Përveç mbi 50 ekspertëve të besuar, përfshi zhvillues drejtues, kërkues të fushës
së sigurisë dhe kontribues kyç te çdo përbërës i WordPress-it, [anëtarë të sponsorizuar të Ekipit të Sigurisë](https://wordpress.org/five-for-the-future/)
i kushtojnë kohë gjetjes dhe trajtimit të problemeve në _software_ dhe ekosistem.

Për të trajtuar cenueshmëri sigurie të dhëna në mënyrë të përgjegjshme, Ekipi i 
Sigurisë punon për të hartuar ndreqje, për të krijuar shembuj të fuqishëm testimi
dhe [i vë në qarkullim këto ndreqje përmes hedhjesh në qarkullim për ndreqje të metash](https://wordpress.org/news/category/security/).
Teksa zyrtarisht mbulohet vetëm versioni më i ri i WordPress-it, Ekipi i Sigurisë
[për mirësjellje i kalon ndreqjet edhe te versione më të vjetër](https://make.wordpress.org/security/2022/09/07/dropping-security-updates-for-wordpress-versions-3-7-through-4-0/),
për të garantuar se sajte më të vjetër marrin ndreqje kritike të sigurisë përmes
përditësimesh të automatizuara.

Ekipi i Sigurisë punon gjithashtu drejtpërdrejt me një numër domethënës shërbimesh
strehimi web dhe ekosistemesh sigurie, për të pikasur dhe reduktuar kërcënime ndaj
sajtesh me bazë WordPress-in, përfshi bashkërendim hedhjesh në qarkullim dhe zhvillim
mbrojtjeje për aplikacione <em>firewall</em> web (WAF).

Mësoni më tepër mbi [idetë e projektit WordPress lidhur me sigurinë, te studimi ynë](https://github.com/WordPress/Security-White-Paper/blob/master/WordPressSecurityWhitePaper.pdf?raw=true).

## Zhvillues Shtojcash

[Udhërrëfyesi i sigurisë, te doracaku API të Rëndomta](https://developer.wordpress.org/apis/security/)
është vendi ku duhet të shkoni për parime zhvillimi të siguruar.

Nëse besoni se keni identifikuar një problem sigurie te shtojca juaj, ekipi i shqyrtimit
të shtojcave për WordPress është këtu për t’ju ndihmuar.

[Shihni më tepër se si të trajtoni probleme sigurie në shtojcën tuaj.](https://developer.wordpress.org/plugins/wordpress-org/plugin-security/)

## Zhvillues Temash

[Udhërrëfyesi i sigurisë, te doracaku API të Rëndomta](https://developer.wordpress.org/apis/security/)
është vendi ku duhet të shkoni për parime zhvillimi të siguruar.

Nëse besoni se keni identifikuar një problem sigurie te tema juaj, ekipi i shqyrtimit
të temave për WordPress është këtu për t’ju ndihmuar.

[Shihni më tepër rreth se si të trajtoni probleme sigurie në temën tuaj.](https://developer.wordpress.org/themes/theme-security/theme-security-issues/)

## Strehues Web

[Udhërrëfyesi i sigurisë, te doracaku Administrim i Thelluar](https://developer.wordpress.org/advanced-administration/security/)
përmban informacion kyç se si të sigurohet mjedisi juaj i strehimit.

Rekomandojmë gjithashtu me forcë [botimin e një rregulli tuajin për tregim të përgjegjshëm](https://cheatsheetseries.owasp.org/cheatsheets/Vulnerability_Disclosure_Cheat_Sheet.html#receiving-vulnerability-reports).